خواتي محتاجه حد يدعمني .مب بالسيارة تعالوا دعموني

انا متزوجة من 11 سنه تقريبا وريلي وايد وايييد يحبني بس في بداية زواجنا كان فيه مشاكل والحمد لله انحلت وصرنا سمن على عسل …….

زوجي مدلعني وايد وما يقصر عليه بشي ابد بس انا مهمله وايد بس اهتم في عيالي وهو مطنشتنه واهملت نفسي وجسمي وزني صار فوق الطبيعي ب 30 كيلو وبشرتي ابتدات تخترب وما قمت اكشخ مثل اول بس لابسه الجلابيات ولا احط حتى كحل ………
والعلاقة تصير بموعد ياخذه عشان البس قميص النوم ………
وهو المسكين صابر ويقولي دائما انتي كامله والكامل الله بس ناقص شوي تخففين وزنج
والله يابنات اني مليت من ما اعرف شو ؟؟؟؟عند بيتي النادي الرياضي بس ما اسير
كله في البيت ما احب اطلع ولا اتعرف على حد ليش ما ادري ؟
حتى الصالون اتصل واطلب خدمة المنزل ما لي بارض اسير الصالون بعد ما دري ليش؟

مثل ما قلت ريلي مول ما مقصر فيني الي اطلبه يوصلني وانا في مكاني لو شو ما كان
وقمصان النوم يشتريها من اغلى الماركات وكله من الخارج حتى الكريمات من برع بس ما استخدمهم …….عندي عطورات بكراتينهم من فرنسا وشنطة كلها قطع تقولون زهبة عروس ولله كل ما يسافر مكان بجيب لي قطعة وذهب من كل دولة سافرها بس ما البسه ليش ما ادري ……….
ساعات احس اني محسوده لانه والله احس انه في شي رابطني استغفر الله ماعرف شو فيني اول اقرا القران كل ليله بس الحين بصعوبة صفحتين واتعب وايد

لا تنسوني يا خواتي وانتظر دعماتكم هههههه ولها نفس تضحك ……..

اعيشيها قبل لاتطوف .. الواحد كم مرة بيعيش .. انتي عندج كل المقومات .. فليش مستبخلة ع عمرج

جربي وشوفي والله بتحسين بالفرق .. ومعنوياتج بتكون فوووق ..

عن ريلج تذكري انج بتتحاسبين على هالشي .. ورضا زوجج مهم

الحياة حلوة عيشوها واستانسو

ابدي اول خطواتج ولا تتراجعين .. وكل مايقص عليج الشيطان استغفري وكثري من الاستغفار

الوزن مب مشكلة بينزل شوي شوي بس اهتمي واكشخي وعيشي حياتج واهتمي في ريلج وااايد، اذا اليوم وياج ويدلعج ومايشوف من ناحيتج اي شي صدقيني بسير عند غيرج وانا ما اتمنى هالشي يصير لج ياختي