حلى العيون سهل وشكله مثل الجاهز>>بالصووور لايفوتكم@@

مرحبا خواتي شحالكم؟؟

اليوم جايبتلكم حلى سهل وشكله يواجه ومكوناته بسيطة

وأتمنى ينال إعجابكم..

نبدأ بالمقادير,,

نصف خليط كيك شكولاته جاهز..

علبة قشطة..

ظرف دريم ويب..

2 ملعقة جوز الهند (نارجيل)<<ممكن الاستغناء عنه للي مايحبه,,

5 حبات بسكوت شاي..

شكولاتة سائلة مثل نوتيلا او اي نوع..

بسكوت أوريو<<حسب الكمية اللي بتسوينه,,

توفي الجاهز ..

[IMG][/IMG]

الطريقــــــــــــــــة:

نسوي الخليط بالطريقة اللي خلف الكرتون بعدها نصب الخليط في قوالب الكب كيك الكبيرة طبعا نكون حاطين فيها الورق بس نصب
مقدار ملعقة ونص عسب ماتكون مرتفعة وندخلها الفرن لحد ماتنفش..

[IMG][/IMG]

في أثناء ماتستوي نخلط المقادير هذي في الخلاط (القشطة الدريم البسكوت والشكولاته والجوز ) وممكن نكتفي بنص المقدار من كل شي لان إذا خلطناها كميتها كبيرة ..

[IMG][/IMG]

بعد ماتنضج الكيكة ننتظرها تبرد وبعدها نفصلها من القوالب وممكن تسوينها من وقت وبتكون أسهل
في الفصل عشان ماتتقطع وياج انتبهوا لهاي النقطة >>>لازم تبرد

بعدها ندهن وجه الكيكة بالخلطة اللي خلطناها

[IMG][/IMG]

ونفتح حبة الأوريو وأسهل نفتحها بالسكين عشان ماتنفصل الكريمة لأن راح نحتاج طبقة الكريمة تكون فوق والطبقة الثانية ممكن تستخدمينها بأي حلى ثاني ومانرمي شي .ونثبتها فوق الخلطة بهالشكل.

[IMG][/IMG]

..

وبعدها نصب نقطة توفي بالوسط

[IMG][/IMG]

وهذا الشكل النهائي

[IMG][/IMG]

وأتمنى يحوز على رضاكم