السلام عليكم
شحالكن
الحلاوة بالجبنه اللي تيي ع شكل كوره بيضه
لذيذه يم يم
خاطري
فيها
حد يعرف شو مكوناتها
انا كلتها و حاولت استشعر مكوناتها حسيت ان فيها ماي ورد و بس هههههههه
والله حبيتي ماعندي فكره انشاءالله العضوات يفيدونج
الغاليه يمكن انت قصدج هالحلى
يسمونه الكنافة الباكستانية
المقادير
نص كاس طحين
نص كاس سكر
2 بيض
م ص بيكن باودر
م ص خل ابيض (لرائحة البيض)
ربع كاس زيت
4 حبات جبن كيري
ربع كاس ماء
وفانيلا
وكيس شعريه باكستانيه بنيه
الطريقه :
تكسر الشعريه تكسير حتى تفتت
ندهن صينية الفرن ونحط عليها طبقه من الشعريه حتى نغطيها
نخلط باقي المقادير كلها ونضيفها على الشعريه
وبعدها نغطي الخلطه بالشعريه تماما
ندخلها الفرن بدرجة 160 لمدة نص ساعه
نطلعها من الفرن ونسقيها شيره وا ماء ورد ( لاتكثريين الشيره ترى تصير حاليه كثير )
ممكن تقطعينها واللي يبي شيره او ماء ورد يحط له (يعني لاتحطين عليها اذا ماتبين )
وزنيها بالفستق او باللوز المفروم
ونسيت اقولكم خلوها تبرد اشوي وبعدين قطعوووووووووووووووها
اختج زمرده3
ماشاء الله البنات ما قصروا
ما عرفتلج شو تقصدين 
تقصدين رس ملاي الي شكله داري
الي اتي في حليب واسفنجيه اذا هيه قوليلي عندي طريقتها 