السلام عليكم
خواتي اكتب لكم ودموعي في عيني من البارحه 
بخبركن السالفه واباكن تساعدني وتريحني .. السالفه الله يسلمكم اني البارحه رحت موعد عشان اشوف نبض الجنين والله اني رايحه وانا ارتجف لان هدا الحمل ياني عقب سنين صبر وعلاج وغيره….
المهم الدكتوره يوم شافت قالت لي هذا كيس فاضي ما فيه جنين مع العلم انها بحسابها انا في الاسبوع السابع وفي حساب السونارر انا في الاسبوع الخامس اصدق مين والا مين؟؟؟
الحين هي عطتني مهله اربع ايام وقالت اذا ما بين بنزله لج
وقالت لي يمكن ما نزل لج للحين لانج تاخذين مثبتات بس اذا ما شافته عقب اربع ايام قالت بنوقف المثبتات
بنات انا تعبت من البارحه وانا اصيح تتوقعون كلامهاا صح والا بدري عليه لين يبين ؟؟؟
والمثبتات تنصحوني اكملها والا اوقف؟؟
انا وريلي قررنا ما نروح لها ونروح عند دكتوره ثانيه عقب اسبوعين
بناااااااااات انا حزينه صدق وما اعرف شو اسوي ؟؟
فديتج الغاليه
توكلي على الله واصبري
( قل لن يصيبنا الا ما كتب الله لنا )
فديتج ماتعرفين وين الخير لج
واتريي وان شاء الله خير
وربي يرزقج كل خير ان شاء الله
الغالية صراحة انا ما اعرف ..
بس بغيت ادعيلج وان شاء الله تكون الدكتورة مخربطة ..
والله يثبت حملج ويرزقج الذرية الصالحة
ما تدرين يمكن صار عندج حمل متأخر وما يبين للحين
انتظري فديتج وان شاء الله خير
خليني اكلمج كلام وحده مجربه وعارفه وعااااااااااااانيت مثلج…
شوفي غناتي لازم تامنين انه الله كاتب لج هالشي وهاذا يدخل من ضمن الايمان بالقدر خيره وشره….
انا اعرف احساسج…ولا تقولي انيه ابخس مشاعرج ابدا ابدا….
انا مثلي مثلج اتمنى اشوف الضنا …واشمه …يوم اشوف حد مربي اركض ابا اشمه وحتى الحريم يمطون البيبي يخافون اكفخه بعين …من كثر ما قصتيه مشهوره ويعرفون انيه محرومه…
وانتي في الشهور الاولى وانا في الشهور الاخيره افقدهم ولازم اسميهم ….
توكلي على الله وانا اقولج خلي املج بالله مب بالناس
ووتصدقي عن نفسج وعن النونوه
باي اشي
لو تشوفين فقير
اي حد …خدامج المسلمه
من ضمنهم …
ولو الله ما كتبلج قولي كله من عند الله خير
وداومي على الصدقه والاستغفار
ووصدقيني رب العالمين فوق كل الناس والله انا اعرف وحده من الاهل وقف النبض لين الشهر الثالث بعدين نبض بروحه …
ولازم تزيدين من طاعاتج وتبتعدين عن المعاصي…وتقومين الليل
وعليج باذكار الصباح والمساء
والاستغفار وذكر الله
وقولي الحمداللله انا احسن عن غيري انا بكمل سبع اسنين الحين …
والحمدالله واللهم لا اعتراض على حكمك
وصدقيني بالاخير الله بيرزقج
بس لازم تقتنعين بقضاء الله وقدره وحتى لو عقيتي صلي ركعتين شكر لله انه ما صابج شي
والله كريم
فديتج ربي يثبته لج ان شاء الله
وطبي هالدكتورة روحي عند تاكور في نيو ميديكل
ويارب تبشرينا بسماع نبضه
ويارب تقر عينج بشوفة ضنآج
هلا حبيبتي
أكثري من الاستغفار والصدقة وادعي
وصدقيني كل شي ممكن يتغير بين يوم وليلة ..
ما في شي بعيد على رب العالمين ..
اذا قاله له كن فيكون