السلام عليكم ورحمة الله وبركاته
بغيت اسأل من منكم سار حديقة الحيوان ف العين خاطري اخذ عيالي شو تنصحوني
اروح ولا لأ
انا عيالي وايد يحبون الحيوانات
وهل لها اوقات محددة تفتح فيها ولا تكون مفتوحة على طول
فيها مطاعم ولا لأ
المهم اللي سارت تخبرني
ولكم كل الشكر حبايبي
حديقه حلوه كبيره ومرتبة احسن عن قبل وقفها مطاعم ومسجد ومساحات خضراء حلوه للعب انشاءالله يستانسون
المشاركة الأصلية كتبت بواسطة ام عنوده 
مشكورة فديتج ما قصرتي
اتريا تجارب الحريم الباقيات
ما عندي فكرة ما رحت
هي حلوه بس هتمشي فيها كتير يعن لازم يكون الجو حلو عشان الولاد يستمتعو
شكرا خواتي اللي رديتو
ما قصرتو
أنا الاسبوع الماضي سرت لها 
المهم تفتح من الصبح بس ماعرف متي بالضبط لين الساعة 10 المساء بس طبعا عقب المغرب كل الحيوانات تكون نايمة خخخخ بس حلوه كممشى …
الدخول ب 20 درهم للشخص فوق ال 13 سنة
تحت ال 13 لين 3 سنوات 10 دراهم
و أقل من 3 سنوات مجانا
في عندهم خدمة VIP يأجرون لج سيارة مفتوحة تاخذج في جولة بالحديقة ب 500 درهم لمدة ساعتين مع شرح ( حلوه لو العايلة في فيها أطفال لان الحديقة عودة ووالمشى تعب عليهم )
عندهم خدمة يوفرون لج قاري ( عربة ) بالايجار إذا ما عندج قاري وعندج أطفال صغار
عندهم كوفي أسمه رزافة أكله حلو واسعاره مناسبة
عندهم كوشكات تبيع أشياء تذكارية
أفضل وقت تكونين فيه في الحديقة الساعة 4 لان الجو حلو والحديقة فيها مظلات يعني ماراح تحسين بالشمس لان معظم الحيوانات تنام ع الساعة 6.
أحلى شى أن اليهال يوكلون الزرافة ( تشترين الاكل ب 30 درهم ) فيه أربع قطع جزر خخخخخ وتقدرين تطلبين أنهم يصورونكم عندهم خدمة تصوير بس ما عرف بكم .
اممم هاللى اتذكرة بس بشكل عام ساعتين يكفن في الحديقة …