السلام عليكم … خواتي الغاليات شخباركم …
أنا حامل في الشهر الثالث …. ويوم دخلت الثالت نزل بي شوية دم .. راجعت الدكتورة وقالتلي شوية تعب واجهاد .. ارتاحي .. وشيكت على الجنين وشفناه يتحرك وطمنتني عليه وسمعت النبض.. وعطتني حبوب تثبيت لمدة أسبوعين وبعدين اراجعها.. ووقف الدم .. وبعد الأسبوعين سرت اراجع قالتلي الجنين توفى 
الحمد لله على كل حال
وهاي أول مرة تصير لي .. ولا مرة أسقطت من قبل .. ولا مرة نزل دم بس هالحملة ..
سؤالي هو ..
في أحد تعرض لهالشي من قبل " وفاة الجنين" ؟
وكيف تصرفوا وياها في المستشفى ؟
سوو غسيل ولآ لا ؟
وهل حملت بعدين بشكل طبيعي وما حصل سقوط أو وفاة ؟
وهل قالولها شو أسباب الوفاة ؟؟
واسمحولي إذا طولت عليكم
هلا الغاليه..
الله يعوضج بغيره يارب العالمين..
الغاليه في حالتج بيسوولج غسيل..
والحمل للاكثريه يصير بعد الغسيل ..بس ريحي 3 اشهر..
بياخذون عينه الجنين ويفحصونها لمعرفه الوفاة ..وبيسوولج كم تحليل دم عشان يتاكدون بعد..
والله يعوضج يارب
حبيتي انا الحمل الاول نفس الحاله والدم نزل فجاه بعد وخذت الحبوب واليوم إلي عقبه استوالي نزيف وقالوللي خلاص
طاح البيبي وعلى طول دخلوني على غرفة العمليات وسولي تنظيف لازم يسون تنظيف لازم عشان مايتم شي داخل و
وعشان يستوي الحمل الثاني ان شاء الله بس الكل يقول مب زين تحملين على طول يعني تترين شهرين وعقب اذا الله راد
بيصير حمل … والله يعوضج بغيره ان شاء الله
الله يعوضج ان شاء الله ويأجرج
في أسباب كثيره لتوقف نبض الجنين…..وممكن يستوى في اي مرحله من مراحل الحمل.
انا البارحه سويت عملية التنظيف للمره الثانيه والحمدلله على كل حال…..كملت 3 شهور…..شهرين حمل وشهر (الجنين توفى)
طبعا في الاسقاط الأول ومن عقب عملية التنظيف ب3 شهور حملت حمل سليم ….بس ماسووا لي فحوصات لمعرفة سبب الاسقاط….اذا تكرر الاسقاط لأكثر من 3 مرات يسوون لج تحاليل.
شواقة 88 …. مشكورة الغالية على الرد .. بس خايفة تتكرر السالفة إذا ما انعرف السبب ؟
Miss UAE 10
كيف قالولج نزل بدون ما تحسين أكيد أنتي كنتي في الشهر الثاني والجنين بعده ما تكون أو بعده قطعة دم .. أنا الجنين عندي متكون كامل والكامل الله .. عشان جذه أحس ما بينزل بسهولة
الله بعوظج يالغاليه
في أحد تعرض لهالشي من قبل " وفاة الجنين" ؟
هييه ,, انا في حملي الاول وكنت في الثاالث
وكيف تصرفوا وياها في المستشفى ؟
سوو غسيل ولآ لا ؟
لا الحمدالله ماسوولي غسيل .. حطولي مغذي وفيه دوا عشان ينزل الجنيين كامل مع المشيمه >> في مستشفى القاسمي
وهل حملت بعدين بشكل طبيعي وما حصل سقوط أو وفاة ؟
بعدها بشهريين حملت ويبت احلى ريم ,, الله يحفظها
وهل قالولها شو أسباب الوفاة ؟؟
لا