السلام عليكم ورحمه الله وبركاته ..
هلا اخواتي الغاليات ..
بصــرآآآآحه متضااايقة وااااااااااااااايد والله العظيم وخاطري افضفض الي فخاطري وبنفس الوقـــت … اخذ رايكن وتقولون منو الصح ومنو الغلط ..!
الله يســلمكن مشكلتي مع حرمـــه اخوووووووي حسبي الله ونعم الوكييييل .
يابنات … والله العظيم اكل ومرعه وإله صنعا عيالها ماتاكلهم البشكاره اتاكلهم .. واتسبحهم وكل شي اتسويه … ويالييييييت حرمه اخوي بنت البلاد .. امي خطبتها لانها بنت فقيره وهب مواطنه والله امي طيبه وايد . عمرها ماتدخلت باي شي .. ولا انا .. واخوووي غير حياتها قبل تحلم يكون عندها بس غرفه الحين عندها ملحق كبييييييير عباره عن بيت …. وسياره وكل شي عندها … وتبطرت .. وكله اترس راس اخووي علينا .. يعني اخووي الي هي اتسويه محلل ونحن محرم اختي الصغيره صف سادس .. تلبس بنطلون وقميص الكويتي الطويل .. والله يعصب يهاوشها .. لكن حرمته تلبس كت .. وسكني وحركات دلع وموضه والله مايقول شي … نحن حرام .. كله يهاوشنا مايرمسنا باسلوب حلوو ..
مره شرا سياره يديده مرسيدس ..قلت له عطيني اجربها بروح الدوام فيها عصب قال انتي تبين الفخفخه وسوالي حشره اما حرمته والله العظيم ماقالها شي قالت ابا السياره اتخقق فيها قال اوكي وعطاها وانا لأ اخوي الصغير يعصب يقول انتي ماتسوين شي وجي وقال هاي كله من حرمته .. والله حليله مقهور ..
اما امي ماتحب تدخل اوو تغلط .يعني شو تبا اكثر عن جي .. ملحق كبير مثل ماقلت لكم عباره عن بيت .. وبشكاره وسياره .. وامي اتسوي الريوق .. اتوديلهم . واتسوي الغدا امي … والعشا واتوديلهم وهي والله قلاص ماي ماتشله كله عالبشكاره هاي من صغرها لين ماعرست .. ماتربت جي .. كله كرف في كرف يوم يت بيتنا والللللللله انها تغيرت جنها وحده عايشه فالعز من صغرها … كله اتقول عني عايزه ؟؟؟ معن ذالك انا والله اساعد واسوي .. واييب واخدم عمري . هب عالخدم .. وقلت لهها ترا انا من صغري عالخدم انتي الي عدااااااااااااااال جنج ماخذه البيت عراسج قالت انا عندي بشكارتي قلت لها وليش يعني انا ماعندي ؟ المهم وهم ساكنين فبيتنا باسم امي والبيت الثاني باسم ابوي .. وسكناهم عندنا وعززناهم .. وبكل سهول اي حد ترمسه .. اتقول .. هذا بيتنا هم يو اسكنوا عندنا والله قهر …….!!!
ولكن الي قهرني . امس يتنا ضيفه قمت سويت العشا بروحي .. عندها بشكاره .. وتي تتامر عبشكارتنا وهي بشكارتنا اتساعدني اتقص البصل وهالامور … قلت لها انا اباها عندج بشكارتج قالت مابينقص منها شي .. قلت لها عيل انتي سووييي دام شي بسيط … تباها اتركب جهاز صغير وتعرف بس عياز ..
افففف تقهر هالحرمه…!!!
طاااف اختي لااااه..
بس يحليلها امج حرمه كبيره المفروض اتقدرها ع الاقل واتساعدها..
الله يهديها احذر الفقير اذا اغتني
الله يهديها
يمكن لان ما شااافته خير قبل جذي طلع منها
وريااال اكيد ورااه حرمته
حرمته كل شي واخته لاااا
وباجر لما تعرسين بتعرفييين ليه
الله يهديها بس
الله يعينكم
لكن انا سكت وماغلطت عليها كم سنه وانا ساكته عمري مارديت عليها تغلط وتعيب علي .. اتقول اني دبه وتطنز علي جدام اخووي وهم الاثنين ومعن ذالك انا مب جي .. بس دوم يوم تشوف ريلها تحب تقهرني انا ماقول شي .. واختي الصغيره طايحه فيها طيح. .. مسكينه يوم تبا اتروح معاها الحديقه اتقول اسفه اختج مابوديها معانا والللله اختي مسكينه صغيره … طيبه بس هي ماتحب اختي … وكله اترس راس اخووي يعني اختي ترقد بروحها غرفه بنت .. وتقفل الباب يوم تلبس اووو اي شي .. هي تقوله خذ مفتاح غرفه اختج كله تقفل الباب واخوي هاوشها
وخذ المفتاح … واخواني تهاوشت معاهم وتضاربت معاهم .. كبار بعد .. لكن والله اسكت واكتم في قلبي ياناس … وقسم بالله تعبانه من القهر الي فييني ……!!
لكن المشكله البارحه صارت ان انا سويت العشا وبقى سويت 4 سندويشات .. وقلت حق بشكارتنا حرام الاكل ينعق خلصي شغلج وكلي هذا وهذا ولاتخلين شي تعشي وارقدي .. ونادي البشكاره الثانيه ..وخليها تاكل معاج واللللللللله العظيم اني قلت هالرمسه وربي الشاهد ..لكن بشكارتها شكلها تجست وسمعت يوم قلت في البدايه كلي هذا وهذا لاتخلين شي .. وراحت عند حرمه اخوي قالت لها اوونه انا قلت لبشكارتنا لاتخلين فلانه تاكل ….. والله يحرم علي اذا قلت جي ..