عندي فرصه للسفر لاوروبا في شهر 4 ميلادي لباريس والنمسا وبكون حامل في الشهر السابع
رحت للدكتورة وسألتها قالت سافري ورح اعطيك مثبتات وطمنتني جدا
بس المشكلة زوجي مخوفني يقول خطر عليك ماتدرين لو تولدين في الطيارة بسبب المطبات الهوائية وانتي كل عملياتك قيصريه
وعطاني خيار ثاني اني أأجل سفرتنا لبعد الولادة في عيد الفطر بس رح يكون معي بناتي وطفل رضيع وشغالة
بس مادري احس السفر مع الطفل الرضيع بيكون متعب مرررره
انتم وش رايكم اسافر وانا حامل في السابع ولا اسافر بعد الولادة مع عيالي كلهم والشغالة
تكفون ساعدوني احس بحيرة مو طبيعيه
انا سافرت لعمره وتعبت شويه وكنت حامل بالخامس والحمدالله عدت على خير
بس اختي سافرت بانكوك وكانت باول الخامس والدكتوره قالت لها بعطيج ادويه ومثبت وعادي تسافرين
واول ما وصلت اهناك قبضها نزيف وما تحركت من مكانها الا كمن مكان ويوم رجعت بعد قبضها نزيف والمشيمه التهبت عندها ونزلوا البيبي بس مات عقبها لانه توه باول الخامس وحالتها كانت صعبه فلا تجازفين اختي لان انا اول بيبي بقيصريه والبيبي الثاني ولاده مبكره اخر اسبوع من السابع
عادي يفديتج روحي واستانسي بس انتبهي لنفسج وزين معاج شغاله يعني واو اذا شاله عيالج بتساعدج
وانتي معاج بيبي رضيع صعب السفر بسبب برودة الجوو براا
روحي الحين ماداام لج بارض بالسفر
انا رحت ماليزيا شهر 7 الي طاف وكنت فالرابع
وماخليت شيء ماركبته تلفريك
حتى رحلة المنجرووف مرتين فالطراد وماخبرتهم انني حاامل عشان يستانس ولدي وريلي وصدق انا استانست
حتى السفاري ركبت فسيارتهم لي تلحق الاسوود
وهاذيه فديتها جدامي
ابببببببب
نفس الشي يمكن اسافر ان شاااااءالله وانا باول السابع علي شهر ثلاثه اذا الله يسر لنا السفره بنسير لانه مابيكون وقت في العطله الصيفيه لاني بكون في الاربعين وبعده رمضان ومدارس ومابروم افضي عقب فقلت الحينه اسافر والعبهم وعقب خلاص مش محتجين الا حواطه في البلاد … والله ييسر لنا وللكل يارب
إتوكلي على الله
سافرت مرتين لما كنت حامل و الحمدلله رب العالمين بس تعبت إشوي من المشي
نصيحه والله السفر لاحقه عليه ومابطير الدنيا صدقيني بتندمين , لاتسافرين وخلي الحمل يعدي على خير , الطياره ماتنفع وياها لا مثبت ولا غيره … عموما شي راجع لك