السلام عليكم و رحمة الله و بركاته
موضوعي فرفوشي و بسيط و مفيد .. موضوعي عن الإهمال بحق أنفسنا من كل النواحي .. ساعات يكون ف بالنا وايد أشياء نغيرها ف نفسنا بس مع الظروف و الوقت نهملها و نأجلها إلا ما لا نهاية .. و التغيير ممكن يكون خارجي و ممكن يكون داخلي .. ف شوه رايكم نكتب شوه الأشياء اللي نبا انسويها بس إلا الآن و مع الأسف ما بدينا فيها او ما استمرينا فيها ؟! انا عن نفسي موضوع الخلطات للشعر و البشرة استمر لفترة قصيرة عقب اتعايز أكمل و طبعا ما حصلت نتايج لانه يبالها وقت لين تبان النتيجة ؟! و ثاني شي اللي هو الدايت مش مستمره فيه للأسف يوم اسوي و يومين لا .. الله المستعان .. ف هالموضوع بنستفيد كلنا و نشجع بعض و نستفيد من خبرات بعض و اهم شي انج كل ما بتدخلين الموضوع بتذكرين المهام اللي تبين اتسوينها بتكون تحت نظر عينج و بتستمرين فيها و بتحصلين تشجيع و مساعده مني و من الخوات ..
ملاحظة : اللي تبا تغير من نفسها بواايد أشياء لازم تبدأ ب ستيب بأي ستيب و من تبدين المهمة الأولى و تخلصينها ابدي ب الثانية لان يقولج سبحان الله المخ ما راح يستوعب كميه المهام اللي عليه و بتمين تفكرين و أخرتها ما بتنجزين منهم أي شي .. فلا تستعيلون و ابدؤوا خطوة بخطوة ..
و يلا نبي تفاعل كبير و لا تراني بزعل منكم .. ترا أسولف 
انا الصراحه خاطري اغير من نفسي وايد اشياء
كلنا نبغي نغيّر أمور وايد لكن أحس الوقت قصير أو يمكن ما نحط خطط واقعية للتنفيذ..
أنا ودي أكون ست بيت من الدرجة الأولى وأحس عندي أشيا وايد لازم أتقنها ,,لكن بعدني أتعلّم
موضوعح جمييييل جداا ….والله ودي اغير وايد اشياء بس مادري ليش كله ااجل لين انسى وكله اشغل وقتي باشيا تطير الوقت بدون فايدع اكثر شي…خاطري اغير من شكلي وسلوكي واسلوبي للافضل طبعاا وبنفس الوقت اعلم عيالي عالايتيكيت واللياقه والنظافه بس كيييييف علما اني دايما فلبيت بروحي
أنا عن نفسي بديت اهتم بنفسي شوي يعني اهتم أكثر ببشرتي الي اعاني من مشاكلها وان شاء الله بحاول أحرص عليها أكثر
الواحد من يقرر انه خلاص لازم يتغير لازم يلتزم بقراره
صح يكسل بس اللي عنده اراده بيستمر
يعطيج العافيه
سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .