لسلام عليكم يا أحلي عضوات
1- قبل البروتين يفضل تمنعي الكريمات و الزيوت عشان المواد دي دهنية بتشكل حاجز و تمنع امتصاص البروتين و طبعا تغسلي شعرك كويس قبلها بالإضافة ليوم البروتين نفسه بتغسلي شعرك بردو كويس 3 مرات مرة بالشامبو العادي و المرة التانية بتتركي الشامبو علي شعرك خمس دقائق و تغسلي و حيكون الشعر في الحالة دي جاف جدا والخطوة الأخيرة بتغسلي الشعر بالكلاريفينج شامبو نقطة واحدة و إن لم يتوفر ممكن تستخدمي شامبو للشعر الدهني
2- بعد ما نعمل البروتين و نخلص خطوة البيبي ليس المكواة بتتركي الشعر مفرود من غير ما تربطيه او تتنيه و لا تعرقي لحد ما تغسليه و أنا بنبه علي النقطة متعرقيش دي لأننا داخلين علي الحر و الصيف تشغلي المكيف و طبعا في 90 في المية من الحالات بيتغسل الشعر نفس اليوم و بعض الحالات لو الشعر مجعد جدا او مجهد و تعبان بنتركه أكتر من يوم عشان يستفاد بالبروتين أكبر وقت ممكن
و بعدها بتغسليه بنقطة بلسم و بعدها ب 3 أيام بتغسلي شعرك بشامبو و بلسم و الشامبو بتغسلي بطريقة التخفيف الي ذكرتها علي الجروب قبل كدة
3- الناس الي عاملة حنة أو حنة فرد لازم تعرفني عشان الحنة بردو بتمنع إمتصاص البروتين داخل الشعر
4- الشعر الي متصبغش قبل كدة او اتعمل فرد خالص اسمه شعر بكر نسبة تقبله للبروتين بتكون أقل شوية من الشعر الي اتصبغ او اتفرد لانه المصبوغ او المفرود المسام بتكون مفتوحة علي عكس الشعر البكر