السلام عليكم….ومبارك عليكم الشهر….هذا اول موضوع احطه..واتمنى القى الردود الحلوه…لاني بصراحه شاده الظهر فيكم…..انا من الكويت وانشاء الله في العيد بنروح للشارقه….صراحه ولا مره رحت لها…رحت مره حق دبي وابوظبي…بس هالمره بنروح للشارقه باذن الله….فاتمنى من بنات الشارقه بيقولون لي عن الاماكن الحلوه والاسواق الحلوه والاماكن التراثيه وخصوصا المتاحف والاماكن المخصصه للحيوانات والاسماك….وشنو احسن سكن برايكم ويكون سعره مناسب لاني بقعد اكثر من عشر ايام…وطلب اخير ابي محل عبايات حلوه…وسعرها مناسب….والله يعطيكم العافيه…
مرحبابج بتنور الدار
اختي الشارجه مدينه ثقافيه واماكنها السياحيه عندج المتحف اليديد مكانه عالبحر
وعندج القريه التراثيه قريبه من المتحف
الحوض المائي في الخان
وبعد مركز حيوانات شبه الجزيره بين الشارجه والذيد وبصراحه روعه وايد بتستانسون فيه
وعنج اشهر سوق السوق الجديم وفيه مركز ساره في محل اسمه جروزني الطابق الثاني والسوق المركزي
والمراكز ميغا مول وصحارى والمطاعم مطعمي المفضل بر وبحر والفنادق عندج فندق صدف اسعاره وايد زينه
متحف التاريخ الطبيعي فيه كل شيء حيوانات … برية وبحرية .. وكل شيء روووعه
خخخ بحيرة خالد وقناة القصباء ان شالله يكون الجو حلو
المحل اللي كتبت اسمه هو للعبي والشيل ومركز ساره مركز صغير وعائلي وفيه كل شي تحتاجينه واسعارهم بعد زينه
بس عليج بلمكاسر وعنج سوق السور للاقمشه فيه وايد محلات
وعندج بعد اسواق ابو هيل للعبي والشيل والاكسسوارات وفي النهايه اتمنى لكم رحله سعيده وان شاء الله تستانسون
وتيونها دوم واذا فيه اي شي حاضرين
المشاركة الأصلية كتبت بواسطة زمن زايد 
اختي الشارجه مدينه ثقافيه واماكنها السياحيه عندج المتحف اليديد مكانه عالبحر
وعندج القريه التراثيه قريبه من المتحف
الحوض المائي في الخان
وبعد مركز حيوانات شبه الجزيره بين الشارجه والذيد وبصراحه روعه وايد بتستانسون فيه
وعنج اشهر سوق السوق الجديم وفيه مركز ساره في محل اسمه جروزني الطابق الثاني والسوق المركزي
والمراكز ميغا مول وصحارى والمطاعم مطعمي المفضل بر وبحر والفنادق عندج فندق صدف اسعاره وايد زينه
الله يعطيك العافيه ما قصرت ومشكوره على الترحيب الحار…وهذا اصلا مو غريب عليكم…عيال اصل ….ودار زايد ما تنعاف وما نخليها اخوانا واهلنا….ومشكورهيا قلبي بس حبيت اسال انتي من اهل الشارقه….؟
المشاركة الأصلية كتبت بواسطة اتعبني@غروري مشكوره يا قلبي …والظاهر هذا المكان انا شفت له لقطه بالتلفزيون على سما دبي…وشكله حلو…