بشرتي دهنيه دهنيه ددددددددهنيه مهما عالجتها وحطيت فيها مايفيد فيها ابدا
يعني تخيلن احط البودره وبعد 5 او10 دقايق يبين انه مختلط وويهي مزيت وشكلي ابدامب متناسق ولا شي والمسام ظاهر بشكل فضيع مع انه مسامي بسيطه مب كثيره ولا واسعه ويكبرني في السن مع اني صغنونه تعببببببببببببت
عطوني حل
منوجربت ماك استديو فكس
انا نفس الشي بشرتي دهنية .. ويتني فتره حسيت انه الافرازات زايده ..
فعن تجربة بدال عن دورين اي كريم اساس .. اول شي خففي من الدهوون في اكلج كثر ماتقدرين .. وحاولي تمتنعين عن الجبس والككاو و المشروبات الغازيه جربي فتره وشووفي ..
ما اعرف بورد مناسب لن بنصحك بالليمون
كريم اساس من ديور انا استخدمه وبشرتي دهنيه بس وايد ريحني ومب ناويه اغيره
اختي اذا انتي من العين
شي محل فالعين مول اسمه خان الصابون
هذا المحل يبيع صابون سوري طبيعي 100 %
انا بشرتي دهنيه واااااااايد اكثر منج يمكن
استعملت الصابون الي قالي عليه
والحمدلله ويهي كل يوم احسن عن قبل .. يبيض البشره .. و تحسين ويهج صااااافي ومافيه دهون
وبعد لو ويهج فيه حبوب او بقع يشلهن
^_^
بشرتي دهنيه وفيها بعض المسام الواسعة على الخدين
بديت اتعالج بالرواكتان من سنة عشان حب الشباب ومخفف الدهون ومنع الحبوب وادري اذا وقفته بتم يمكن بالكثير 6 شهور او اكثر وبترد الحالة
بس خلال هالفترة استخدمت اساسات وطلعت لي حب بس اخر شي تميت على اساس مضغوط من ماك MAC اسمه studio tech واشتريت بودره بنفس لون الاساس اسمها select sheer pressed من نفس الشركة وارتحت عليهم وايد مظهرهم واايد طبيعي وتغطي 70% وكانها بشرتج لدرجة ما احسه يصلح للاعراس لانج بتكونين وكانج حاطه ميكب على بشرة مب مدهونه باساس!
المهم قصدي ان الاساس والبودره يناسبون وقت النهار والعمل والزيارات يعني يفي بالغرض
نفس الحالة
والحين من يومين شريت بودرة من مكياجي ماركة 22k
بجربها و بشوف