السلام عليكم والرحمة
اشحالكن خواتي
ماعرف اذا موضوعي ف القسم الصحيح المهم
بنات انا تعبت من الوحده ابي اتزوج والله وايدين اللي يخطبوني بس كل مافي نصيب ماياني الريال اللي يناسبني انا مب طالبه شي بس كل بنت ولها حلمهاا وطول عمري ماافكر بالزواج وكل ارفض بس في اسباب وفي الاخير يوم حنيت وبغيت اعرس محد ياني هههه والله العمر يمشي وانا عمري23 متى بييب عيال واربيهم المشكله صار تفكيري كل بالزواج يمكن لاني عاطفيه واتعب حييل
عطوني افكاار او انصحوني والله تعبت اااه ><
واللي حولي اصغر عني متزوجات يحسسوني اني كبيره مع ان وربي ماناقصني شي الكل يقولي انتي جميله والكل يتمنااج بس ماشوف شي
يمكن هذا ابتلاء من ربي..!
سامحوني بس والله فضفت اللي بقلبي وبغيتكن تنصحوني…!
اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه
ربي يوفقج اختي 
غاليتي
استهدي بالله وييييييييييين بعدج وايد صغيرة ^^
يوم كتبتي 23 صدمتيني صراحـة السموحـة
بعدها الحياة جدامج أختي
والزواج قسمة ونصيب
ومتى ما رب العالمين كتبه لج بيستوي
المهم انج تشغلين حياتج وما تعطين الموضوع أكثر عن قدره
اهتمي بالموجود واتركي المفقود لرب العالمين هو أدرى بمصلحتج
اشغلي وقتج بالي يرضي الله
ومارسي هواياتج وعيشي حياتج وتعلمي ونوري قلبج بالطاعات والنوافل ^_^
وصدقيني رب العالمين ما يضيع أجر حد
وهو أعلم منج باللي فخاطرج وان شاء الله ما بيخيبج
بس أحسني الظن وتفاألي بالحياة
واشكري الله على الي عمندج
وسبحانه بيزيدج أكثر وأكثر
وما أوصيج بالإستغفار
استغفري رب العالمين بخضوع وتأمل
تقربا منه لا طمعا أختي
والدعاء سلاح عظيم للي تحسن استخدامه ،
فادعي الله وأنت موقنة بالإجابة غاليتي ،
وتحري أسباب القبول ، من طيب المطعم والمشرب ،
واختيار الأوقات الفاضلة ،
ولا تستعجلين أختي في الإجابة ،
فقد قال النبي صلى الله عليه وسلم : ( يستجاب لأحدكم ما لم يعجل )
رواه البخاري ومسلم من حديث أبي هريرة رضي الله عنه .
ورب العالمين عند حسن ظننا به
حبيبتي بعدج صغيرة ما تقدرين تتصورين من وين راح يجيج النصيب انتظريه ويوم يجيلج فكري واستشيري واستخيري و توكلي , لكن طالما انت عند اهلج فالمراة دايما لها دور عدا انها ابنة هي اخت وعمة وخالة افرحي بوجودج الحين عند امج وابوج واخوانج لانه بعد الزواج اخوانج بيفتقدونج وايد.
الله يرزقج بالريال الصالح وبالذريه الصالحه بعد
وشرات ماقالت اختنا جوري العرب
والله يوفقج ياربي
الله يرزقج بالــريل الصـآآلح الي يسعدج ياارب..
وتفائلي خيير فديييتج .. وعليييج بالاستغفــــآآآر..
وموفقه ان شاء الله
الله يوفقج ياارب