الغاليات بحكيلكن مأساتي فعلا مأساتي بس للتحذير والفايده …أشتريت مع مندوبة حنه مخلوطه وجاهزه في كيسه تحطينها على شعرك 24 ساعه وبما إن المندوبه كان إسلوبها في عرض المنتج جدا رائع إشتريتها وضليت أتخيل شعري مثل شعر الممثلات الهنديات بالرغم إن شعري كثيف جدا وطويل بس شويه ما يجي سيده شرات الأندونيسيات المهم حطيته على شعري من الصبح وضليت على هذا الحال الحنه تقطر وأبدل ملابسي طول اليوم وعاد المخده لما نمت صارت كأن حد صاب فيها صالونة لحم تريت مرور 24 ساعه بفارغ الصبر غسلته وبسرعه عسب أفاجأ زوجي روحت الصالون أسشوره تصورن خواتي إيش حصل والله والله شعري نزل في إيدين صاحبة الصالون كأنك جايبه سكين وقصيتي الشعر من النص إنصدمت ولحين عادلي 6 شهور صايره مثل الهنود ريحتي زيت نارجيل وسمسم بس عشان يطول
الغالية الصبغة أهون من هاي الخلطات
لأنه شركات كبيرة تسوي عليها تجارب وتبيعها للكل
مب مثل هاي الخلطات مب معروف أصل ولا فصل
هاي الخلطات الكيماويه تحتوي على نسبه عاليه من الرصاص و النحاس للفرد و اتسبب الكانسر على مر السنوات وهي امغلفه بالحنه ..و الله الحنه بري منها و مشكلتها ما اتخوز من الشعر الا بالقص و السقوط و الشعر ما يتحمل اي شغل عليه لانه هلكان من الفرد …
و الي تبا تفرد شعرها تستخدم التمليس اهون منه و اثاره قليله بس استخدمي الماركه المشهوره مثل كادوس ويلا …لانه اخف من الغير في الضرر ….
حراااااااااااااام والله غمضتيني
الله يكون في عونج اختي
صدق في ناس همها بس الكسب المادي
الله المستعان
انا استخدم هالحنا.. بتلاقينها في كارفور او سفير.. وهي بس بودرة حنا ما وياها اي شي
واخلط انا الزيوت او اي شي ابي احطه وياها بروحي في البيت والحمدلله ماشي حالي وياها ^_^
مشكوره الغاليه …….بروح أشتري منها وبداوم عليها وإنشالله يرجع شعري مثل قبل