هلا يا اخواتي شااخباركم اليوم فتحت التجمع الثاني وان شاء الله هذي المره اكون احس لانه نفسيتي وااااااااااااااااااااااااااايد احسن عن قبل لانه الحمدالله ولديه بخير وعافيه الله اخليه لي ان شاء الله واحب اشكر البنات يلي دعوله ومقصروا وكل حد وقاف ويايه اللهم لك الحمد
الحمدالله الحين ولديه بخير وعافيه وباجتله العمليه الاساسيه يلي هي جلب الشراين وان شاء الله معاها تسكير الثقب
الصراحه في بدايه الامر كنت وايد خايفه واحس اني الوحيده يلي في المصيبه من كثر مخوافني في المستشفى بس الاخت @ام احمد@ مقصرت ورفعت من معنويات بس يوم سرت هناك الصراحه كانت معاملتهم غيرررررررررررر يالسوا ارمسونا عن حالته وعن كم عمليه يحتاج قالوا وزنه ميسمح انه انسويله العمليه الاساسيه لانه وايد ضعيفوني وسوله ربط شريان وقالوا عقب 6 شهور بيسون العمليه الكبيره يعني يمكن عقب العيد وماشاء الله الاهل الامارات كلهم كانوا هناك وكلهم عيالهم عندهم مشاكل في القلب الله اعينهم وحبيت افتح هذ التجمع عشان نستفيد اكثر عن العمليات وعن المشاكل المصاحبه والله اعافي عيالنا ان شاء الله
استغفار الله العظيم
الله يشفي ولدج ان شاء الله ….ويخليه لج … ويطول بعمره
مشكوره اختي ام نواااري على الدعوه الحلوه والمرور
الله يشفى ولدج وعيال كل المسلمين يااارب
فعلا الاطفال اللي ينولدون وعندهم مشاكل بالقلب مو شوية
وانا اعرف وحده ربي يصبرها على ابتلائها عندها مشكلة معقدة جدا بالقلب
بس الحمد لله الحين وايد احسن
وربي يشفي ولدج وجميع مرضى المسلمين
الله يشفيلج ولدج ويعافيه ويعافي ولدي وعيال المسلمين كلهم..
ولدي عنده ثقبين وضيق في الشريان.
وين سافرتو حق العلاج اختي؟