السلام عليكم هلا والله خواتي ..
طولي 163 و كان وزني 76 في شهر 11 و الحين وصلت ل 64 الحمد الله ^_^
ترى الريجيم بيكون صعب في أول الأيام بعدين معدتج بتتأقلم عليه ان شاءالله ..
انا استبدلت الخبز الابيض بالاسمر و السكر بالسكر الاسمر .. حرمت عمري من العيش و المعكرونه و الباستا الي أعشقها والحلويات و الدهون الضاره
الريوق :
سليس أسمر + جبن قليل الدسم + شاي حليب
بين الريوق و الغدا كنت آكل فواكه أو بسكويت دايجستف الخالي من الكولسترول بس ما أكثر منه
الغدا :
أخليه متأخر تقريبا عالعصر الساعه 5 ..أنوع فيه عشان ما أمل ..مره من سب واي بس طبعا خبز أسمر و بدون الصوص الدسم.. و مره ستيك و سلطه . أو دياي مشوي ..سوشي .. كباب ..أكل بحري .. اهم شي أكل صحي و مافيه سعرات حراريه عاليه
العصاير عالغدا كنت ماخذه راحتي فيها ..بس طبعا بدون الغازات و الفرابتشينو أو الميلك شيكس و هالسوالف ..
العشا :
قبل الساعه 8 ..خياره أو تفاحه أو سلطه
و هذا أكلي طول اليوم بالإضافه للتمارين الرياضيه + شرب الشاي الأخصر مرتين ل 3 مرات فاليوم + كثرت من شرب الماي
ملاحظه: نزلت الموضوع لانه العضوات طلبوه مني .. بس يختلف تجاوب و احتياج جسم عن جسم… الأفضل انكم تستشيرون اختصاصي قبل ما تبدون
موفقات حبيباتي و أتمنى لكم نزول صحي يارب ^_^
يعطيج العافيه
ماشاء الله حلو جدا ربي يوفقك
ما شاء الله
ما شاء الله عليج. اهم شي انج تحافظين على هالوزن.
وعقبالنا يارب.
مبروووووك ماشاء الله
نفس طولج 163 وزني حالياً 76
حلو الريجيم،، تقريباً مثل البروتين دايت بس ارحم منه
المهم تثبتين لاتنزلين اكثر عشان ماتعصقلين وتردين تزيدين ويسير وزنج متذبذب
اقدر انزل وزني بسرعة بس ماعرف اثبته
تسلمين يارب