تجربتي الشخصية ويا النقوط البنية والشعر اللي تحت الجلد !! راحة بعد عنااء

اشحالكم بنااات ,, ان شالله مرتااحين ويالصياااام ,,

تقبل الله طاعاتكن وصيامكن ان شالله

حبيت اليوم انقلكم تجربتي الشخصية في مشكلة اظن الاغلبية يواجهونها واتسبب لهم الاحرااج

اللي هي النقووط السوودا والشعر اللي تحت الجلد في منطقة السااق ( الريووول ))

كنت اعاني من هالمشكلة ماخليت خلطة ماجربتها وهاي الاشياا اللي لقيتها فالمنتديات ومانفعت ويااي ومادري ليش البنات كانوا يمدحونها ؟؟

– ملح وليمون وجلسرين === مافي فاايدة طبعا
– الحجر الاسود وافركي ريوولج == النتيجة احمرت المنطقة مع اني كنت افركها بلطف ومافي فايدة
– الحمام المغربي == ينظف المنطقة فقط
-التقشيير == يشل الطبقة الميتة بس واتنظف

هاي كل الاشياا اللي سويتهاا ومايابت اي نتيجة غير الاحبااط والبحث عن بدييل

كنت اقرا من بين الردود ان الليزر بيحل المشكلة نهائيا == واانا كنت اخاف من هالشي
اليين ماعزمت على اني اسوي الليزر وبتحمل الالم

اتصلت في كمن عيادة اشكيلهم العلة وكلهم قالولي مالج غير الليزر

توكلت على الله وسويت ليزر في منطقة الساااق من سنة ونص الحيين

لو تشووفون ريولي قبل والحيين واااي فرق السما والارض

انا للحين مسوية 4 جلسات او 5 مااذكر

النتيجة كانت :
– نعووومة لان الليزر ينعم بشكل فظييع
– الشعر خف بنسبة 95 % == شعري كان غلييظ وبشع والحيين يادووب يبين ويطلع خفيف
– النقوط السودا خلااص ودعتها ومالها اي اثر
– الشعر اللي تحت الجلد مااااشي لان الليزر يحرق الشعرة

كنت اخاف من الليزر بس يوم جربته ماحسيت بأي ألم طبعا سرت عند عيادة معروفة فالشارجه جهاز الليزر كان يطلع ماي بارد والحمدلله ماحسيت بألم

نصيحة : بنااات المحافظة على هالمنطقة او غيرها قبل الزوااج افضل واحسن

لان عقب ماتعرسين بتحملين طبعاا ,, ويمكن الليزر يأثر على الحمل

يمكن الدكاترة يقولون ماله تأثير بس سبحان الله انتوا ماتعرفون شو بيستوي

هاي تجربتي ويا الليزر والنقوط السودا اللي سببتلي احباااط في يوم من الايااام

للعلم مسوتنه عند سميحة لطفي سعر الجلسة 1350

واذا قالت لكم خذوا كريمات من عندها لاتاخذوون لان كريماتها غاليه ,, الفلبينية اللي تشتغل هناك قالت لي يكفي كريم ميبو مال الحروق ..

ملاحظاااات
– قبل الليزر بيوم شلي شعر ريولج بالموس
– من تبدين العلااج بالليزر لاتردين للحلاااوة موول لان اذا رديتيلها ولا جنج سويتي شي بيرد الشعر مثل قبل واخس
– بين جلسة وجلسة ياخذ شهرين الى 4 شهوور
– اي سؤال ايي ع بالج دايما اسألي الدكتوورة او اللي تسويلج الليزر

دعواتكم لي بالتوفييق