السلام عليكم ورحمة الله وبركاته
شخباركم حريم وبنات
اليوم بكلمكم عن تجربتي ومابي منكم الا الدعاء ان الله ييسر اموري ويزيح همي ويشفيني من كل مرض وعين وحسد
طبعا اول شي قبل ما ابدا انا مو قاعده اسوي اعلان او دعاية للاخت ام سيف
لانها معروفة وكثار راحو عندها والله كتب لهم الشفاء مثلي
والله والله والله اني حطيت الموضوع عشان الكل يستفاد ولاني تغربلت من المستشفى والفحوصات اللي ما تخلص والعلاجات اللي تقهر
انا مشكلتي ان الدورة عندي خلال الشهور اللي طافت صارت تتاخر عني 10 ايام وكل شهر تتاخر عشر ايام عن الشهر اللي طاف
يعني اتيني الدورة كل اربعين يوم بدال كل 30 او 28 يوم
رحت العيادة وهات تحاليل وفحوصات وتصوير
والنهاية الدكتورة تبي تعالجني في حبوب منع الحمل لمدة 3 او 6 شهور
كيف وليش انا خمس سنوات ماعندي عيال كيف بتعالجني فحبوب منع الحمل
والكل يعرف خطورة هالحبوب من ضغط واكتئاب وسمنه وحتى لو عدلت شي مجرد توقفينها ما تضمنين شو بيصير لج اعراض ثانية
المهم انا قلت مو مستحيل الا من سابع المستحيلات اني اخذ هالحبوب
ودخلت المنتدى ادور ع اشياء تنظم الدورة
وحصلت مواضيع البنات عن تجاربهم مع الاخت ام سيف
وان علاجها لكل عله تصيب الرحم تاخر واسقات وغازات وعجب العجاب وكله من خلال علاج بالكاسات اللي ماياخذ من وقتج ساعة ولا زحمة المراجعات
المهم خذت رقم ام سيف وعنوانه وتواصلت معاها ورحت لها 6 يوم من الدورة
سوت لي علاج الكاسات وعطتني نصايح وسمعت مني
والعلاج كان لمدة 3 ايام متواصله
الاشياء اللي نصحتني فيها اني اكثر شرب الينسون
والميرامية وانا التزمت فيهم بس مو يوميا يوم هذا ويوم هذا وضفت بعد شراب البردقوش من عندي اشربه في الاسبوع 3 مرات
ونصحتني ابتعد عن الدجاج واللحم والبيض والاكلات اللي فيها هرمون وصج انا كنت الفترة هذيك طايحة ع البرجر والنقانق والدياي
قالت لي ابتعدي عن السكر وانا حاولت حاولت بس مو وايد حاولت صراحة
بس الحمدلله والفضل لله ولها ان اليوم نزلت لي الدورة قبل موعدها بيومين من بعد ما كانت تغربلني وتيبس جسمي ولا تنزل وهذا كله من اول جلسات لي عندها
وام سيف بعد حرمة طيبة وحبابة وايدها فيها بركة ما شاء الله
الله يحفظها من كل شي ويحفظ لها عيالها وريلها
(خلاصة التجربة)
الحمدلله والفضل له اول واخيرا انتظمت دورتي لما انتظمت ع هالاشياء:
1_اني رحت لام سيف وسويت علاج الكاسات ومشيت ع نصايحها
2_كنت اشرب طول هالشهر ميرامية وينسون وبرقدوش
3_اسوي رياضة واراقب وزني لان الوزن يلعب دور في لخبطة الهرمونات
واللي استفدته من علاج ام سيف هالاشياء:
1_ الدورة نزلت قبل موعدها بيومين من بعد كانت تتاخر كل مرة 10 ايام
2- احس ان تساقط شعري خف وايد لان الهرمونات تعدلت
3_احس مجرد اني اسوي حمية خفيفة احس بالراحة واني خفيفة
4_رابع شي واهم شي ان هم وانزاح عني وانتظمت دورتي وما بحتاج اراجع لا عيادات ولا هم يحزنون
بنات اانا ذكرت تجربتي عشان تستفادون وربي مابي منكم الا الدعوة الطيبة
ترى والله ادري في وايد مثلي
وواكيد في كثار مثلي كانو يعانون لكنهم طاحو في فخ الدكاترة وتوهقو من حبوب منع الحمل سواء بنات او حريم
فدام عالعلاج موجود خلال شهر و3 ايام بس بترتاحون
ولا ادوية تبلعونها شهور وشهور
صح علاج ام سيف تقليدي بس والله فيه بركة وخير
والراي لكم
دعواتكم
اختكم في الله
الا اله الا الله
سبحان الله وبحمده
والحمدولشكر والثناء الحسن لرب العالمين
اللهم ,,
إني أسألك نعمة دائمة ,,
تفيض بها خيراتك ,,
وتتوسع بها أرزاقك ,,
وتتضاعف بها بركاتك ,,
وتزيد بها أفضالك ,,
وأعوذ بك ,,,
من أن تزول عني نعمك ,,
وتنقص عني خيراتك ,,
وتنقطع عني أرزاقك ,,,
وتنتهي عني بركاتك ,,
وتذهب عني أفضالك ,,,
الحمدلله
حمدا كثيرا
مشكورة فديتج
مشكوووووره عالافاده ان شااء الله يوم برجع البلاد بسلامه بروح الها الكل يمدح بأخلاقها
ماشاء الله ,,,,,, ليتني اقدر اوصلها ><
لاني صدق تعبانه من تأخر الدوره ولخبطتها ,,,, الله المستعان