بنات لو تكتبون تجاربكم ويا الرجيم و خاصة اللي نجحت. حتى و لو متنت بعد فترة. تجاربكم بتشجع البنات يبدأن الرجيم و اللي اصلا مسوية رجيم تستمر.
شو الدافع الاساسي( زواج _ ولادة_ او وحدة غثتج برمستها عن متنج اي شي خلاج اتقرري انج تبدين؟
شو الرجيم اللي اتبعتيه؟
شو الاكل اللي تركتيه؟
كم كان وزنج و كم استوا؟
كم كان قياسج و كم استوا؟
بشو كنتي تحددي وزنج ( الميزان – قياسات الجسم بالشريط – ثيابج القديمة – ملاحظة الناس او …الخ)؟ و هل شفتي نتيجة ترضيج؟
شو الرياضة اللي كنتي اتسويها؟
منو شجعج و منو احبطج؟
كم شهر تميتي على الرجيم؟
شو كانت ردة فعل الناس يوم شافوج؟
كم شهر حافظتي على رشاقتج بعد الرجيم؟
شو اللي خلاج تستسلمي للاكل؟
سبحـــــــــــــــــــــــــــــــــــــــــــــــ ــان الله وبحمده
للرفع
شو الدافع الاساسي( زواج _ ولادة_ او وحدة غثتج برمستها عن متنج اي شي خلاج اتقرري انج تبدين؟
ولا شي من هذيل, وزني كان ف تزايد وقلت بسس استوب وين ابا اوصل
شو الرجيم اللي اتبعتيه؟
مافي رجيم معين روحي كنت اسويلي جدول
شو الاكل اللي تركتيه؟
الحلويات و الجبوس + العيش + الفاست فود ( الأجبان والحليب والروب كله بدلته ب خالي الدسم )
كم كان وزنج و كم استوا؟
73 – 63
كم كان قياسج و كم استوا؟
ممم ما شفت القياسات ( بس كان عندي 3 بناطلين سايز 10 ما كانو يدخلون ف ريلي واذا دخلو مستحيل يتسكر الزرار
والحين الحمدلله فت عليه
بشو كنتي تحددي وزنج ( الميزان – قياسات الجسم بالشريط – ثيابج القديمة – ملاحظة الناس او …الخ)؟ و هل شفتي
نتيجة ترضيج؟
الميزان و ثيابي اليداد اللي ما لبستهم ولا مره وضاقو عليه
شو الرياضة اللي كنتي اتسويها؟
كنت اسير الجيم
منو شجعج و منو احبطج؟
محد شجعني ولا احد احبطني ( روحي اشجع عمري )
كم شهر تميتي على الرجيم؟
شهرين
شو كانت ردة فعل الناس يوم شافوج؟
الأهل عادي لاحظو اول شهر بس
كم شهر حافظتي على رشاقتج بعد الرجيم؟
انا بعدني ما خلصت من الرجيم ( بس شهرين وزني ثابت الحمدلله معني قطعت الرجيم )
هممم والله شى حلووو ..~
يالله نتريااا تجارب البنااات ..~
UP>>>>>>>>>>>>>>>>>>>>>>
للرفع