السلام عليكم و رحمة الله و بركاته
خواتي وااااايد تاجرات يبيعن العطور العربية والمخمرية انواع والبخور والمعمول
بس المشكلة التجربة.. يعني بتشترين على السمعة او التجارب اللي تقرينهن بس
و بعد المشكلة الثانية انهن ما يرسلن عينات (مب مشكلة بنشتري العينات ربع تولة من كل نوع عندج!!!)
المهم ما بطول عليكن
نطرح هني التجارب " الايجابية فقط " عشان ماحد يتسبب على حد
1- من التاجرة اللي تعاملتي معاها؟؟؟
2- شو " يميّز " عطرها او بخورها او مخمريتها او معمولها او لوشنها المعطر او عطر الفراش..؟؟؟
( ثابت، بارد، سويت، سبايسي، أصلي، طاغي عليه دهن العود، طاغي عليه المسك، ريحته مثل العطر الفرنسي….، مايبيض الشعر، ما يحسس الجلد..)
شكراً مقدماً و جزاها الله خير للي بتتجاوب معانا
تسلمين اختي الورده الجوريه عالطرح ،،
صراحه انا للحين ماجربت ولا شي من عند التاجرات
لاني اخاف اني اتوهق غير جي لازم اشم الريحه قبل لا اخذ اي شي ،،
على قولتج لو شي عينه نشمها او نجربها اول شي ومب مشكله بندفع حقها
لان وايد نسمع مدح على منتج معين ويوم تاخذينه ماتحسين انه ذاك الزود
و فالنهايه الناس اذواق ^^
الله يسلمج أم فهودي
انا الصراحة خذت كمن مرة من التاجرات ومافي شي واااااو
اكيد الناس اذواق اللي هي تحسه حلو الغير ممكن لا
بس طبعاً اكيد في عطور مايختلف عليها اثنين او انها تعجب الغالبية وهذا اللي أنا أدور عليه في الموضوع
ولا مرة جربت اشتري من تاجرة بس شكلي بجرب اطلب من هنيه واتوقع يعطون عينات واذا ما تعطي بطلب منها
اكثر محلات اشتري منهم ونادر ما أغير هو ياس وعبدالصمد القرشي هذيلا المحلات اللي دوم اشتري من عندهم وكل مرة اشتري يعطوني سامبل وارد اشتري
جربت كل شي عندهم مثلا ياس جربت عطر ياس الملكي بخور وعطر للفرش ولوشن ريحته دهن عود ما احب دهن العود لكن احطه لمجلس الرياييل وكل احد يدخله ما يطلعون الا وسائلين عن البخور
خذت كل الأنواع واكثر نوعين احبهم جذاب وهبوب
احمد المغربي جربت عنده كذا شي لكن ما دخل بخاطري وايد احط منه كتغيير
انفاسك دخون جربت شي شي وعيبني العطر واللوشن والبخور
اجمل جربت العود لكن مب لهناك
الشايع عندهم سوالف حلوه احب اشتري منهم ورق المعطر للملابس والصابون الصغار واللوشن احس عنده اغراض عملية
اما باقي عطوري واللوشنات من باريس جاليري وفكتوريا سيكرت وبدي وركس
جربت كذا تاجره طبعا على راي تجارب الحريم اللي يعرضنها ،، ومثل ماقلتي مايطرشن سامبلز عالاقل الوحده تتنقى اللي تباه
المهم ان تجاربي كانت عاديه وماجذبني شي فيهن ف ماقدر انصحج
للرفع
ورد انا حبيت شي شي بس ريلي ماعيباه، ياريت لو سكت! لا.. قال اخ ريحته مب شي!!!!!
بالرغم اني حبيت ريحته بس خلاص شو يحب ريلي بحطه
وهو عطره المفضل باشا مال كارتيير… أكرها وااايد سبايسي وماخليه يحط منه في البيت
هههه أذواق