خواتي منو جربت بوتكس للشعر؟؟
انا شعري صابغتنه من 5 شهور تقريبا .. هل بينفع لي ؟ وكيف تجربتكم ويا البوتكس …
وكم سعره ؟؟ هل تعرفون صالون زين ب دبي يسويه؟
شكراَ حبايبي 
هلا حبي
انا بنت عمي سوته حسب ما تقول الي اسمه بلو اوت اظني
وايد حلوووو و عجبني قلت بسويه ان شاء الله بالمستقبل
و حسب ما تقول بـ 2024 درهم سوته
اتوكلي على الله حبيبتي زين للشعر وحلو مب شرات الكيراتين
كل صالون يستخدم منتج غير عن الثاني
انا سويت بوتوكس .. وقالتلي هذا علاجي وما بيخلي الشعر ستريت واكثر شي انه يتم 3 شهور .. بس شعر تم ناعم وحلو شهر تقريبا وبعدين رجعت لطبيعته ههههه
وما كلفني وايد .. لان خذته من موقع كوبونات .. واعتقد السعر الاساسي 500 وانا سويته ب 150
ف صالون في جميرا
أنا مسوية البوتوكس لن شعري واااايد خفيف وفيه تجعدات بسيطة وعقبه استوى ناعم وكثيف بس مب وااااااااااااايد وأهم شي إني الحمدلله افتكيت من النفشة والجفاف
بس انا سويته عندنا هني فالعين
خلاص بتوكل خواتي وبسويه ..
وبخبركم كيف صار وياي ..
والله خايفه اجازف بشعري لانه الصراحه طويل ووايد احبه ماباه يخترب 
وماحب الشعر يكون جي سايح مره بس افضل من الجفاف اللي هو فيه الحين
بسير صالون اسمه شيما ب مردف قالو لي بتسويه لي ع 1800
البوتكس افضل منتج اخترعوه
انا سويته اول مره فالصالون ب 800 لانه شعري قصير
والحين مسويه للمره 4 لاني اصبغ شعري وايد وخذته اون لاين
بس اذا كنتي صابغه البوتكس بفتحلج شعرج درجه وحده
توكلي ونعيما مقدما