كيفكم بنــات
أنا حابة أسأل أحد جرب عملية الليزك لتصحيح النظر بأشعة الليزر
أنأ أريد أسويها بس خايفة
العملية ما تاخذ 7 دقائق
بس ما أدري هل لها آثار جانبية ولا لأ؟
فاللي جربتها ياريت تفيديني ضروري الله يكرمكم
تسلمووون
اختى عمليه الليزر سهله وما في منها خوف توكلى على الله
انا سويتها..ما تاخذ وقت..والحمدلله مفتكه من النظارة والعدسات
بس سويتها فى اميركا..اهم شى عقب العمليه..اتسوين الى يقولج اياه الدكتور بالضبط
انا بعد سويتها في دبي الحمد الله اشوف احسن من النظاره والعدسات صارلي الحينه 3 اسبايع
هلا اختي الغاليه بنك روز
انا من ثلاث شهور مسوية عملية الليزك وهي غير عن عملية الليزر احسن بوايد
سويتها فالمستشفى المغربي الي فعمان لأنه أحسن بوايد من المستشفى المغربي الي فبوظبي
وغير هذا اذا فبوظبي يبالج موعد وعقب كم شهر فحص ومادري شو
أما الي فمسقط فنفس اليوم فحص واليوم الثاني عملية غير عن معداتهم المتطورة ودكاترتهم
وبتفتكين من النظارة والعدسات وحشرتهن
بتحسين من اول ساعات بعد العملية حرقان فعينج وشرات حبات الرمل فيها وبعدين يخوز كل شي
وهم بيعطونج تعليمات وصدقيني ماتخوف العملية بس يبطلون عيونج ويمرورن عليها الليزر فثواني وتخلص
وبالتوفيق ان شاء الله
الحمدلله على نعمة النظر .. أنا سويت عملية الليزك لعيوني في دبي .. أنا ألحين بكمل سنة من سويتها .. واللهم لك الحمد والشكر مفتكة من العدسات ومن النظارة .. بس اللي اتسوي العملية لازم اتحاسب .. لأنه والله مب هين إنه الواحد يفقد نظره بعد ما ايردله بفضل رب العالمين ..
صلي صلاة الاستخارة وسيري سوي فحوصات وشوفي ..
وأي استفسار ثاني حاضرين
اختي قريباتي ثنتين سون هالعمليه وبعدها البسن نظارات سودا لحفظ العيون من الاشعه القويه فتره قصيره.. والحين الحمدلله لا نظارات ولا عدسات…. توكي على الله وسويها وبترتاحين انشا الله.