هلا خواتي… السموحة على العنوان …بس والله من اليأس يلي فيني…
عندي بنت صغيرة 4 سنوات ونص تقريبا…. تدرس KG1 … في مدرسة خاصة… ما أدري شو صار لبنتي … ما ألوم المدرسة بشيء أبد …الله الشاهد كيف هم مهتمين ببنتي…
المشكلة هذي بس يوم تروح المدرسة….
المشكلة تبدأ وياي على الصبح من أقومها عشان تتغسل وتفرش أسنانها … وتخلص يلي عليها وتلبس ملابسها…المشكلة الكبيرة يوم تفطر… ما ترضى لا تشرب حليب ولا تتريق أبد….
خليتها على ذوقها تختار عشان ما أجبرها على شيء وتفرغ بطنها…
المهم ما ترضى تتريق أبد… لا بالطيب ولا بالغصب… تروح المدرسة بعد ما جهزت لها أكلها…. مثلها مثل العيال يلي بصفها مع التنويع كل يوم….
المشكلة لما تتصل فيني مدرستها وتقولي عفوا… بنتج سوتها على عمرها… بنتج ( زاعت) …أسفة على الكلمة… ووسخت نفسها…
بنتي مب من النوع المزعج… حبوبة … بس ما أدري شو فيها بالضبط … ولو كلمتها برقة الأم … على طول تصيح وما أفهم منها ولا كلمة …. حتى لما تكون رايقة…تقولي لا تحطين لي ساندويش… لا تحطين كيك ولا ولا ولا …. عيل شو تبين أحطلج… تقول لي ما أبا شيء… شرحت لها شو فايدة الأكل… عشان تكبر وتكون ذكية وغير هالكلام…
أنا منحرجة من المعلمة والمدرسة من يلي تتصرف فيه بنتي من غير إرادتها أكيد… يمكن هذا نوع من التخوف الداخلي يلي يسمونها نسيت شو إسمها….
على فكرة سألت المعلمة عن الممنوعات من الأكل في المدرسة …وقالت لي… لكن سمحت لبنتي بشيء بسيط من هذي الممنوعات مثل المعكرونة إذا كانت بتييب نتيجة ويا بنتي…..
المهم خواتي داخله على الله ثم عليكم شو أسوي مع بنتي عشان تترك عادة الزواع… وتحب تاكل… وتشارك اليهال…شو الحل…أخاف على صحة بنتي تتدهور….><
يا ختى كل عيالنا جى لا تحاتين ولا شى انا عيالى لا يتريقون ولا ياكلون اكلهم يردونه نفس ماهو حتى قلت ما بحطلهم ساندوتش بحطلهم شيبس وكيك وعصير هم نفس الشى تعبت وماشى حل اما من جهة انها تزوع ولا تسوى على عمرها هذا امر عادى بالبداية لين تتعود عالمكان وما عليها الا العافيه
الله المستعان
حتى بنتي جذي متعبتني والله انها تمرض يوم تروح المدرسه وما تفطر وتقولي لا تحطين شي بشنطتي
بس انا احطلها اتصدقين الفصل الاول يوم دخلتها روضه حكومي طبعا لان عمرها 4ونص وعلى قرار الحكومه تكون روضه 2
استلمتها مدرسه الله يسامحها بس ماكن تعاملها زين وكل تقول بنتج ما تعرف شي اقوللها هي ما دخلت روضه اولى على طول حولوها روضه 2
ولا بعد المدرسه وايد تغيب
وطلعت بعد شهر من الدراسه مو راضيه اتكمل والله انها مرضت اسبوعين حمى والحراره ترتفع وتنزل
واخر شي طلعت من المدرسه
والحين دخلتها خاصه احسه بدت تتاقلم شوي بس نفس الشي قامت اتيها حمه وتتعب
والله يستر
ما تشوف شر ان شاء الله