هلا خواتي
بنتي عمرها سنه و3 شهور ولين الحين مستمره ع الحليب الصناعي يعني مول ماتاكل شيء ما اتطيع تاكل واذا كلت الظهر عيش يستويلها امساك وما اتسويها مول واتم تتعصر وماترقد وحالتها حاله انا ابغي اعودها ع الاكل بس اخاف من ااكلها هالامساك اييها .. امسات عطيتها موز شويه مب وايد والحين من يومين هالامساك ذابحنها ماعرف شو اسوي ..
ابغي ااكلها يعني شراتنا تاكل وتشرب بس مب عارفه وايد خايفه
حشا شو ها 4 دخلو وماشي مشاركه
حبيبتي
ليش ماتجمعين مثلا مجموعة خضار وتفورينهم بماي لين يستوي عقب تحاولين بالخاشوقه تفرمينه وتأكلينها
ترى زين حق اليهال ومايستوي امساك مووول
او مثلا تهرسين عيش ويا حليب
انتي سويلها اكلات سهله الهضم انا جي اسوي حق عيالي صراحه من اقل من سنه
والحمدلله افطمهم بسرعه
وربي يحفظها لج
حبووووووووووووووووووووبه ما شالله البنت كبيره لازم تتعود تاااااااكل الحلب الصناعي ما يعوضها
خليها تاكل بس ابعدي عنها الروب
واعطيها عصير البرتقال زين يمشي البطن
ولا تنسين الفروووووت وايد زين للي في سنها يعني يوميا لازم تعطينها برتقال وتفاح وموز
جسم الطفل يحتاج تغذيه في السنوات الاولى
اعطيها اكل بيها امساك اولها بس بيمشي بطنها انشالله
وبتتعود انشالله
بس لا تعتمدين على الحليب بس
وايد اعطيها عصير برتقال وبطنها مايمشيها ادري المفروص تاكل بس هي ماتاكل .. والتفاح دايما اقصلها واعطيها ماتاكل .. تاكل شوي وعقب تفره 
شوفي حبيبتي شي سبب انها ماتاكل اكيد الا وهو ان قلبها عالحليب تبارك اسم الله
ترا الحليب زين للجسم والعظام
لكن انتي عطيها عدة اشياء تقدرين تعطينها مهلبيه يوم بتذوقه بيعيبها لان طعمه حلو
وبما انها سنه مول لاتشربينها حليب هاليوم واكيد بييها وقت وبتيوع عطيها برتقال
كيوي ، وايد زين ، عطيها عيش ولحوم وسمج وبيض ومعكرونه وايد عندج اشياء تقدرين تعطين بنتح بعمر سنه
عمر سنه مب ياهل ع الاكل لا تخافين قوي قلبج وخليها تجرب كل شي
وابتعدي عن الروب والموز والتفاح اذا فيها امسك
وخليها تاكل الخضره اللي ماتعور البطن
اختي هالشي بايدج انتي انا اقولج عن تجربه لاتخلينها تشرب حليب سوي اي شي حتى لو صاحت قوي قلبج قولي لهاتبين تاكلين هالاكل جدامج وكلي منه لقميها طعميها وهيه بتتطعم وبيعيبها
عندج انواع الفواكه مالذ وطاب
عندج فية الكربوهيدرات والبروتينات معقوله مول ماتاكل شي؟؟؟
اذا مول ماكلت شي يمكن ماعودتيها الا ع الحليب المفروض من وهيه اصغر تبدين وياها بالسربلاك والفارليز والعيش ويالخضره المفوره وجيه يعني
وان شاءالله يحصل خير هاي لو بنتي جن حطيتها تحت ريلي واكلتها بالغصب هههههه
الله يعينج أختي
المفروض من 4 شهور او 6 شهور و طالع تذوقينها الأكل على القل بس تتعود على الطعم
الحين مو وقت الملامة …
انيييي للمهم ..
انتي ذوقيها كل شي و شوفي شنو اللي يعيبها
و سالفة الامساك لازم تراجعين الطبيب تستشيرينه
سدحيها على ظهرها و لعبيها برفع ريولها لفوق و تحت … بعد ساعتين من الأكل أو أكثر
يمكن شوي يلين بطنها مثل الرياضة
و كثري لها الخضار المطبوخة …. و الفواكه
موفقه