هلا بنااااات عندنا عرس عقب جم اسبوع هو عرس ولد عم ريلي …وانا مفصله حق العرس فستان مخصر شيفون فرنسي…. بس بنات مش عارفه شو البس من العبي…انا معرسه ولازم اتبين الكشخه جدام الحريم… انا ما اعرف البس العباة الي تنشل على الايدين فاهميني :1 (6): ما ادري كيف اشرح… بس بنات العين اتوقع بيفهمني وانا ما اقصد شي تراه…:1 (6): انزين وحرام البس عباة مفتوحه مالت الكريب السعودي مابيبين الفستان وانا مو من النوع الي يحب يعق العباة في الاعراس خصه انه العرس ما يخصني واااااايد:1 (81): اترياااكن بنات شو افصل من العبي عشان هالمناسبه …وحدة من البنات شارت علي افصل عباة دبل ساري بس شرات العبياة المفتوحه شو رايكن انتن واتريا نصايحكن …
عباه شااااااااااااال ما يبيله كلام
ممكن تسوين عباه دانتيل عسب يبين الفستان .. ومش شل .. مثل العبي العاديه ,, عباه مفتوحه كلها دانتيل .. وهالاسبوع ف زهرة الخليج شفت عبي وايد حلوه ,, شوفيهن تنفع للاعراس ..
زين انا بقولك عن واحدة تسوي عباية حق الحفلات وبالعين اذا تبغين برسلك رقمها
فديتج انا مسويه عباه شرات الشل ونفس الرقعه ورفيعه شوي بس طالعه حلوه
وما شليتها لانها مفتوحه من الطرفين
طرف كامل ورا
وطرف ايي من اليدين من جدام مادري جان فهمتي عليه
وشوي فيها شرات الذيل من ورا
وسويت اطرافها كلها فولك اسود بس من اللي حجمه صغير
حديث الورد
ممكن الغاليه اعرف من وين فصلتي العباه اللي تطرينها
واذا امكن ممكن اتحطين صورتها
لان انا بعد عندي مناسبه الاتسبوع الياي وابا الحق اسوي شراتها
والله اختي مسويتنها عند راعي الغشاوي والشيل اللي ايينا البيت
بتخبر امايه عن الرقم وبخبركم عنه