السلام عليكم … بنات ابا منكم نصيحه وقولولي شو الصح؟ انا ريلي ما يخليني اطلع مكان الا وهو معاي واذا طلعت مع الاهل احتشر علي يقولي ماتطلعين بدوني ؟ وحرمته الثانيه عادي تطلع وتدخل وتتشرى حق البيت ويوم سألته ليش ماتخليني شراتها .. يقولي انتي اصغر عنها وهي كبيره وعندها عيال قبلي … قلت وليش ماخذنها… يقولي: التعدد مب حرام . يا بنات احينه عادي انا اكون محبوسه وهذيج ع كيفها يوم مايكون يومها تطلع وتستانس وانا لاء . واذا من القهر طلعت . يقولي بطلقج . وين الحق والعدل … يوم يكون هناك ابا اشغل عمري اطلع عند اهلي اتشرى حق البيت عشان ما احس لاني والله اني اموت مليون مره يوم يكون هناك . شو اسوي وشو الحل ؟ الله يسعدكم ابا رايكم
صح ان التعدد مب حراام بس قبل لا يفكر ان يتزوج خل يفكر يعدل بينهم لان حراااام و عطيه اشرطه و قوليله احادييث عن العدل بين الزوجات
المشاركة الأصلية كتبت بواسطة 5yalah 
الله يهديه يصلح باله
خلاص احين هو عرس وواللي صار صار مدري بس انا احس دام الريال ما يخلي مرته تطلع يغار عليها اكثر ويحبها اكثر بس الرياييل ما يقولون وعلى فكره خليها تروح تاخذ اغراض البيت ليش تكلفين على نفسج بالعكس فرصه لج انج تقعدين مدلـله فالبيت عليج باستغلال وقتج فالتعديل له وتزيين غرفتج وتثقيف نفسج ترى وايد طرق نتسلى بها مب لازم طلعه هي مردها تمل وتتعب من كثر ما تادي رغبات البيت صدقيني وعاد خلاص بتكون عاده انها تتسوق عقب وحتى لو ماراحت بتروح مجبوره وانتي خلج لا تروحين ولا شي واطلعي معاه كم يسوى انه يكون راضي عليج والحمد لله انتي مب مختلفه معاه فشي كبير دامه يحترمج ويعاملج بالزين الثانية شيليها من بالج لا تقعدين تقارنين ولا انتي اللي بتتعبين تراج
قوليله أدري إن التعدد مب حرام بس إنك ما تكون عادل بيني وبينها هذا الحرام بعينه ..
الله يهديه إن شاء الله ..
الله يهديه على بالهم التعدد هين وبسيط وبالذات اذا الريال مب عادل ترا يوم القيامه يكون اعوج والله يعينكم