السلام عليكم
انا متأخرة عن الحمل صارلي سنتين وماتم فحص ماسويته عدا اشعة الصبغة عندي خوف مب طبيعي منها بس كلام الاطباء والبنات في المنتديات انها تعور وايد وهم بعد خوف من النتيجة وانه يكون عندي انسداد وما تشيله اشعة الصبغة
خاطري اسويها لان سويت عملية ازالة ورم من على الرحم من سنة فدكتور يقول احتمال كبيرة يكون صار انسداد
فديتكم ابي مستشفى يسونها ببنج ادري بعمري مابقدر اسويها بدون ابرة ممكن تكون الالم مب ذاك الالم بس الخوف مسيطر علي 
انا في ابوظبي
الغالية توكلي على الله وسويها انا مسوتنها الأسبوع إلي طاف ما تحتاج بنج ضربوني ابره والحمدلله ما حسيت بأي ألم شي بسيط لا يذكر ربي يرزقنا جميع الذرية الصالحة
امين يارب
الله يستر ميته من الزياغ
اتمنى اللي سوتها تخبرني وين
هلا حبيبتي
انا مسويتنها مرتين مرة من سنة ونص ومرة من شهر الحمد لله ماشي الم لا يحتمل
عادي حبيبتي هي دقيقة بضبظ وخلصتي وفيها الم نفس الم الدورة
لا تحاتي ولا تصدقي الي يضخمون الأمور ويعطونها أكبر عن حجمها
سويتها في كوزموسيرج الي في ابوظبي شارع دلما عند دكتورة لبنانية
توكلي على الله وسويها وربي يفرحج بالذرية الصالحة عاجلا غير آجلا
وتفرحينا 
المشاركة الأصلية كتبت بواسطة ثريا 2024 
انا مسويتنها مرتين مرة من سنة ونص ومرة من شهر الحمد لله ماشي الم لا يحتمل
عادي حبيبتي هي دقيقة بضبظ وخلصتي وفيها الم نفس الم الدورة
لا تحاتي ولا تصدقي الي يضخمون الأمور ويعطونها أكبر عن حجمها
سويتها في كوزموسيرج الي في ابوظبي شارع دلما عند دكتورة لبنانية
توكلي على الله وسويها وربي يفرحج بالذرية الصالحة عاجلا غير آجلا
وتفرحينا
مشكورة الغالية اللهم امين
– – – Updated – – –
بنات فديتكم بسوي اشعة الصبغة في مستشفى السلامة مع دكتورة من مستشفى المزروعي حولتني للسلامة عشان بيعطوني بنج منو سوتها بالسلامة
توكلي ع الله وسووي الاشعه
انا سويتها من شهرين تقريبا والله ما تحسين
الا بويع بسيط وبسرعه ما تاخذ وقت
ربي يسهل عليج