مرحبااا خواااتي
اشحااالكم عسسااكم بخير
بغيت اسألكم عن جامعة الجزيره
بخصوص السكن
منو فيكم تقدر تساعدني وتروح لأي شخص مسؤول و تسأله عن السكن
هل في مكان ..هل يمكن يدبرون
أو ممكن تيبولي رقم شخص اقدر اسأله …
ويين مكان الجامعه بالظبط لأني ما اعرف الطور بداية دبي او في نصف دبي
وهل للجامعه موقع ثاني في الطلبه يسجلون وفي معلومات اكثر
انتظر مساعدتكم
والله الصراحة هاذي اول جامعة ومالها اي فروع ثانية و ما عندهم سكن تدرسين و اتردين البيت انا ريلي يدرس عندهم و يقولي جامعة والله مصخرة غش بالهبل و غيابات بالحيل و تسجيل حضور و انصراف ماشي لانها طبعا جامعة جديدة و عشان هالسوالف الناس متخبلة عليها و موقع في الطوار 3 حذا حديقة الطوار تقريبا يعني عند بيتنا بالضبط وما على فكرة ما عندهم مواصلات من و الى ؟؟؟؟؟؟
والله يوفقج هالمعلومات للاستفادة
اختي مهمومه أي جامعه يديده اتكون هاي مواصفاتها بس أهم شي انها جامعه معترف فيها مع انها ما كملت سنه
انا هالشي خلاني أقدم في الجامعه مب عشان انها جامعه مصخره وكنت أبا ادرس قانون او اعلام المسا وفي دبي وما حصلت هالشي الا في جامعة الجزيره
هاي أول جامعه في الامارات تحصل اعتراف رسمي من التعليم العالي ويتم اضافتها في قائمة الجامعات المعترف فيها بالدوله
أغلب الجامعات اليديده يتريون سنه او سنتين لين ما يضيفون اسم الجامعه ضمن الجامعات المعترف فيها
وبعد الجامعه نظامهم الدراسي وااايد مريح للي يشتغلون تقدرين تاخذين 4 مساقات وتدرسين في يومين بس أو 3 أيام أو 4 أيام حسب رغبتج هالشي ما تحصلينه في جامعه ثانيه
مأ أنكر الجامعه فيها سلبيات اولها بعض الشباب وايد ماخذين راحتهم وفي كمن بنت بعد امسوين حق الشباب سالفه ويسوون حركات والجامعه مكانها ضيج وايد هالفئه للأسف خربت سمعة الجامعه
بالنسبه للاخت الي تسال عن السكن لحد الحين مافي بس خذي رقم الجامعه من البداله واساليهم
جزااج الله خير اختي
بسكووته
المشاركة الأصلية كتبت بواسطة مهمومة دبي 
والله يوفقج هالمعلومات للاستفادة
حبيبتي منوه قال ان عندنا غش بالهبل والخ…
الصراحه جامعتنا وايد مشددين والحضور والغياب اجباري الدكتور ياخذه
يمكن هالشي اللي ترمسين عنه كان ف بداية السنة بس الوضع اتغير والحمدلله
صح الكلام اللي قالوه..
اول السنه ماكانوا حاطين بالهم ع الغياب وايد.. لانها اول سنه..والطلبه من زماااان مودرين الدراسه..
بس الحين تعالي شوفي كل غياب عليه دجه.. والجامعه مب مصخره الا للي يشوف هالشي..
بصراحه اشوفها واااايد ممتازه..واللي يبا المصخره بيدورها حتى لو ف المسيد.. السموحه بس جد..
واغلب البنات فحالهم..مالهم خص ف الشباب ولا يعبرون والشباب بعد ما يعبرون ولا لهم خص..
اللي نفسها ضعيفه واللي تسولف واونها وااايد اجتماعيه بتطيح الميانه..وبتسولف مع كل من هب ودب..وهاي فئة قليله مب اكثر عن 5 بنات..وكلن فحاله..
واللي بيحضر تراه هو المستفيد والكلام اللي يقوله الدكتور ما ينعاد وهو بتضيع عليه المعلومات..
اما بالنسبه للغش.. والله ثم والله ان يوم امتحنت الفاينل الكورس اللي طاف..محد يقدر يغش 3 واقفين يراقبون ولا نفس..
وحتى ف الميد تيرم هالكورس محد قدر يغش.. واللي متعود ع الغش..والله ما يخاف ربه هو اللي بيغش مب كل حد 
صح المكان ضيق من بيفتحون الكفتيريا بيخف هالضغط ف الممرات..
اما عن السكن.. فما اعتقد انه فيه سكن.. لانها في منطقه سكنيه..
هي ف ديره الطوار 3 اقرب للشارجه.. ها رقمهم اطلبي الاستاذ مالك: ****
وها موقعهم الالكتروني *******
وبس..
احترامي
غرور
تسلمين اختي غرووور
ومثل ماقلتي البنت محافظه راح اظل محافظه والضايعه تراها ضايعه
وتسلمين الغاليه
بس شوه بخصوص التخصصات الى راح نقدر ندرسها جمعه وسبت