بنات الحقوا علي ما اعرف شو ارد عليها وهي واثقه فيني !!!

بسم الله الرحمن الرحيم

بنات دخيلكم ساعدوني لاني مب رايمه افكر حتى

الله يسلمكم فريجنا كله مواطنين الحمدلله وهالشي وايد حلو وكلنا نعرف بعض من كنا صغار
بنت ييرانه الله يسلمكم من وهي تحب ولد ييرانه بس حبهم ماكان في التلفون وطلعات ودخلات
ما اقدر اوصفلكم كيف كانوا والكل كا يعرف هالشي انه في ود امبينهم وكلنا ندعي انهم يكونون حق بعض
في 2024 امه قالتله لازم تاخذ بنت اختي وتضارب معاهم وقال انه يبا ربيعتي المهم امه وقفتله وتمت تحن عليه لين وافق هو واخته كان عرسهم نفس اليوم هو خذ بنت خالته واخته خذت ولد خالتها وصار العرس
وفي 2024 ربيعتي انتقلت من الفريج وساروا مكان ثاني . ولد ييرانه الله رزقه بولدين الله يخليهم له
والله ولد ييرانه ريال والنعم فيه والكل يشهدله باخلاقه واحترامه
حتى يحليله عقب ماتزوج يا عند امي وقالها : خالوه شو اسوي ارضي منو ولا منو؟؟؟
امي قالت الله يكون في عونه بس كلن ماخذ نصيبه
ربيعتي تزوجت بس الله ماكتب انه الزواج يستمر واطلقت بسبت اهل الريال وريلها الي يتعاطى ( الله يهدي الجميع )
وربيعتي كانت تدرس في الجامعه وتوها داومت وفي اول يوم دوام لها طلع مسؤولها هو نفسه ولد ييرانه الي كانت تباه ويباها !!!
الحين هي عمرها 25 وهو عمره 27

اول ماشافها تخبل وهي اعتفس حالها ويتني تصيح والله انها تصيح تقولي شفته عقب هالفتره الطويله هالرمسه كانت من 10 ايام
اليوم في الدوام زقرها المكتب وهي سارت على اساس انه موضوع يخص الشغل

قالها ادري اني كسرت خاطرج وادري لو شوسويت ماراح اغير شي بس انا ضيعتج مره وما ابي اضيعج مره ثانيه
قال انه مول مب مرتاح وانه يبا يتقدم حق ربيعتي وقالها انه يبا يتقدم مع ابوه واخوانه الــ 5
بس امه ماراح تسير وخواته مع امه لانه حرمته تكون بنت اختها واكيد هي ماراح ترضي عليها

قالها انتي تعرفين امي طيبه واكيد بترضى مع الوقت

ملاحظه : ( توها تقولي انه قالها علاقته مع حرمته من سنه وشوي مب شرات قبل وكل واحد فيهم في غرفه لانها غلطت غلطه كبيره ومايبا يقول شو هي وانه تام عسبت عياله )

هي محتاره وانا محتاره لانه معتمده على الله ثم على رايي انا لاني ربيعتها وهي ربيعتي الوحيده

بنات دخيلكم خبروني شو اسوي وشو الحل؟؟؟!!!