السلام عليكم
فديتكم، بغيتكم تساعدوني ويا بنتي الله يحفظها و يحفظ عيالكم
الله يسلمكم، بنتي انولدت و عندها ثقب صغير في القلب، و الحمدلله ما تاخذ ادويه عشانه، بس متابعين ويا طبيب القلب.
مو هاذي المشكلة، مشكلتي انني يوم ولدتها كان وزنها kg2600، و الحين عمرها 19 شهر و وزنها ما بين ال kg8 و ال kg9700، ما يزيد عن شذي، و اللي قاهرني انها ابدا ما تاكل، و لا تشرب، عيزت وياها، جربت كل انواع الأكل اللي الأطفال يحبونه، و ابتكر لها، و هم مب راضية.
المصيبة انني من ولدت من شهرين و هي مودرة الاكل مول، ما تيي صوبه، حاولت ااكلها، ابوها، عماتها، خالاتها، الكل، ما في فايدة, اخاف يصير عندها سوء تغذية و هي في ها السن الحرج، ارجوكم، شوروا علي، شو اسوي وياها؟؟ :1 (25):
السلام عليكم ورحمة الله..
الله يعينج أختي.. بس المفروض تحاسبين وما تحملين دام أنه عندج بنت لها ظروف خاصه وتحتاج عنايه بس حكمة ربج والله يخليهم لج..
أنا ولدي نفس الشي نفر مني لأني حملت على طول مثلج.. بس حاولت أخليه قربي طول الوقت عشان ما يحس أني مقصره وياه او فضلت أخته عليه.. والحمدالله تدريجياً قدرت أغيره وأنه يتعلق بالبيبي.. بس تم يمرض أكثر عسب النفسيه.. انتي حاولي ما تبعدين عنها وخليها قربج طول الوقت..
وخليها بين أطفال ثانيين مثل أطفال العائله عندكم وقت الأكل لأني لاحظت أكثر الياهل يشتهي ياكل إذا جدامه أطفال ياكلون..
واعطيها كل شوي شي في ايديها عشان تاكل لو قطعة خبز أو تلعب في الروب حتى لو تلحسه بيدها المهم تشتهي الأكل..
ممكن تودينها العيادة ويتابعون تغذيتها ويساعدونج بأدويه مشهيه للأكل.. وحاولي تكونين غير متوتره أمامها من هالموضوع لأنه بينعكس عليها..
:22 (12): :22 (22): :22 (12): الله يعينج الغالية
تسلمين لي ام سيف، اللي قلتيه ممتاز، لكن يا ليت عندنا في عايلتنا يهال صغار، اصغر واحد عندنا الحين في الثانوي، المهم، بسوي شرات ما قلتي، و باخلي الاكل ع طول جدامها، و بتابعها في العيادة، بس اتهقين في عيادات تغذية للاطفال؟ و اذا في، وين؟
اتمنى من الكل الشور و الرد علي لو بدعاء لبنتي بالشفاء.
المشاركة الأصلية كتبت بواسطة MONAAAAA 
وربنا يسلمها لك اختي الفاضلة
الله يسلمج اختي، و بدور لها ع عسل طبيعي للأطفال (سمعت انه في عسل فاتح للشهية للاطفال)
مشكورة عزيزتي
المشاركة الأصلية كتبت بواسطة Candle شكرا ع المرور اختي candle و يجزيج الف خير
باسم الله عليج خرعتيني
المهم هذا شي طبيعي انها ما تاكل لانها حاسه بالغيره من البيبي الله يحفظهم
انتي ديري بالج عليها وعطيها اهتمام بزياده وحاولي اتقربينها بالبيبي ودوووم قوليلها انج اتحبينها اكثر ورقديها فحظنج دوووووووووم لانها صغيرة وما خذت حقها في التربية والحنان والحب مهما كان البيبي يعتبر لها دخيل ومنافس
والصغار لما يحسون بالضيق يضربون عن الطعام هاذي ردت فعل طبيعية
وما عليها شر انشالله
عندي بنت اختي عمرها 8 سنسن ووزنها 12 كيلو طبعا مب الطبيعي وكانت مثلج خايفة ولما عرضناها ع الدكتور قال انها سليمة بس مسالة وراثة
الله يطمنج عليها