السلام عليكم ورحمة الله -تعالى- وبركاته…
شخباركم بنات؟؟؟ عساكم بخير…
أنا نزلت موضوع من قبل وهذا هو الرابط..
http://forum.uaewomen.net/showthread.php?t=1177828
بنات أنا سويت فحص في امبريال وطلع فعلا عندي السكر… بس بدايات…
ألحين أنا اللي أعرفه إن هذا المرض إذا يا ما يروح… ما أعرف شو أسوي!!
أنا أبي أتعالج منه نهائيا… هل في مجال؟؟؟ دام إن في بداياته…
أي وحدة عندها علاج أي وحدة عندها تجربة تقولي…
أنا بعد ما شفت الدكتور حولوني على خبيرة التغذية…
طبعا عطتني نظام غذائي أمشي عليه وقالت لي لازم تسوين رياضة…
بس أنا ما أبي أنزل مستوى السكر في الدم أبي أعدمه هالمرض…
لي تجارب واايد صعبة في العايلة مع هالمرض… ناس شفتهم ماتوا الله يرحمهم…
أرجوكم بنات اللي عندها أي تجربة تقولي عليها أبي ألحق نفسي قبل ما يطور هالشي…
ولكم جزيل الشكر..
أختي ربي يشافيج ويعافيج . واحد من أهلي ياه السكري وهو في سن العشرين , بس كان وزنه زايد , كان ياخذ أدوية السكر والسكر كان عنده تقريباً منتظم . بس يوم سار لدكتور غدد في الأردن قال له نزل وزنك وما بتحتاج لأدوية السكر . وفعلاً نزل وزنه بالرياضة وبالرجيم مع أخصائي غذائي والحمدلله الحين من ثلاث سنوات نسبة السكر عنده عادية جداً وما يا خذ أي دواء للسكر . بس محافظ على وزنه وعلى الغذاء الصحي المتوازن وعلى رياضة المشي والسباحة .
فهذا هو العلاج , غذاء صحي وابتعدي عن السكريات البيطة وقللي من النشويات وسوي رياضة ولو وزنج زايد لازم تنزليه للطبيعي .
مشكورة إختي وجدان الفجر…
أنا الدكتورة قالت لي نفس الكلام…
بس أنا وايد متعقدة من هالمرض…
إن شاء الله بسوي نفس اللي قالت لي الدكتورة..
رياضة ومشي وغذاء صحي…
والله يشفي الجميع..
اختي انا أمي عندها سكري الله يشفيها الدكتور حكالها لازم كل يوم تمشي نص ساعة وتحافظ ع وزنها وتقلل من الأرز وهيه كل يوم تشرب منقوع ورق زيت الزيتون والحمد لله مؤ محتاجة دواء والله يشفيكي ويعافيكي يااارب
مشكورة إختي إلينا على التواصل…
وهذا اللي أنا فعلا أسويه…
بادية أكل صحي…