السلام عليكم ورحمة الله وبركاته
شخباركن بنات
انا الحين ربت من عشر ايام والحمد لله على كل حال هاي الولادة الثانية وبعد بعملية
اريد تجاربكم بعد العملية كيف الوحده تهتم بنفسها وبالخياطة
يعني كل وحده شوه سوت في فترة الاربعين
كيف كانت حركتها
شكرا
للرفع
الصراحة حبيبتي انا مسوية العملية من 5 سنوات بس هم عطوني مناديل معقمة حاولي لما تسبحين مايجيز الماي العملية ولما تخلصي امسحيها بالفوطة وحاولي تنظفيها كل يوم والحمدلله انج بوقت الشتا سويتيها لان العرق يخليها تلتهب ولما تقومين من السرير حاولي على جنب لا تقومين فجاة وعلى جدام
هذا اللي اقدر عليه
حمدلله على سلامتج حبيبتي
يزاج الله خير اختي والله يقومج بالسلامة
يا ريت حد يفيدنا…لأني من عشرين يوم مسوية عملية قيصرية لثاني مرة….و أبغي أدخل الكرشة لأنها صايرة فضيييييييييييييييييييييييعة…مع إنها كانت لاصقة بظهري و دايما أكشخ…بس من الكرشة و الله إتعقدت…تقولون حامل و ما أقدر أرتاح في اللبس
الف مبرووووك والحمدلله علي سلامتج
انا مسويه عمليه قيصريه نصيحتي لج بعد اسبوع:
1. عيشي حياتج بشكل طبيعي بس لا تتعبين عمرج .
2. بالنسبه للسباحه خذي راحتج بعد اسبوع عادي لو الماي يا علي اليرح ما في مشكله.
3. اذا حبيتي في الصيدليه يبيعون ادويه معقمة وكريم ينحط علي اليرح عشان يخفف من لون الندبه ويبعون بعد مشد مثل الشورت يصلح للوالده قيصري عشان تخفف الكرشه ولا تشترين المشد الاندونيسي لانج والده قيصري ( وانتي تعرفين اني اليرح يلتأم مع بعض واذا شديتي بالقوه يلتحم الجرح مع الكبد او قناه فالوب وما ترجعين تحملين مره ثانية بسبب الالتصاقات ).
4. بعد شهر ابدي بالمشي بس مدة عشر دقايق وشوي شوي زيدي المده وبالنسبه لرياضه البطن بعد ست شهور يكون افضل .