هلا بنات
ماعرف الموضوع صح مكانه هنيه او لا !
عالعموم …
انا بطني اوكي مافيه الا ترهل بسيط من الجوانب من اثار الحمل والولاده ! واحاول اشتغل عليه ,, بس اللي مضايقني النفخه اللي فيه وااي بصيييييييح من بطني كله غازات ! صح مو وايد منتفخ الحمدلله بس يزعجني ابيه مسطح ! يعني اي شي اكله لو شي بسيط جدا من مسببات الغازات على طول يتم بالايام جذيه ! شي مزعج صراحه وايد اتضايق ,, اتم احاسب على اكلي عدل عدل بس مايصير جذيه ,, انا الحمدلله مبتعده عن المشروبات الغازيه وغيره من زمااان ! بس مثلا امس اكلت كورن فلكس وطبعا معاه حليب ,, وبدت المعاناه ! معدتي حساسه وايد ماكانت جذيه ! ماعرف شنو اسوي , فيدوني ,, اللي عندها شراب او اي شي نفعها للغازات تقولي بليززززززززز
وموفقات ,,
دواء اسمه سالينال وايد زين
الكمون حبيبتي شفاء من كل شي
شربي كل يوم عالريج او اي وقت تحبين
ولو ترومين المسا شربي بردقوش انا بيتي صيدلية اعشاب ولا اصبر عنهن
حبيبتي أشربي كوب ينسون فليل بهد العشا وان شالله ترتاحين
مثل ما قالوا الخوات الكمون والينسون ممتازين
وابتعدي عن المشروبات الغازيه الحليب والبقوليات والملفوف لان يسببون غازات حبيبتي
انا مثلج من اشرب حليب طازج ينتفخ بطني
حتى الباجله والدانقو احبهم بس يلعوزوني بالايام فقمت ما اكل
عقب شريت حبوب فحم من الصيدليه وارتحت الحمد لله
بس مستحيل اتم عالحبوب اللي كلها كيماويات
قالولي الينسون والكمون والبابونج يريحون المعده من الغازات
جربتهم كوب الصبح وكوب فليل وانوع فيهم والحمد لله احين مرتاحه
اعتدي الطبيعي اختي وان شاء الله فيهم العافيه
يمكن عندج حساسية من شي من الأكل اللي تاكلينه
وما أقصد حساسية حبوب… في ناس يتأثر جسمهم من بعض الأكلات مثل الحليب أو القمح أو الخمائر أو المكسرات والجسم ما يتقبله وتصير مشكلة الغازات هذي
اظن في تحاليل ممكن تسوينها فالعيادة .. بس الأسهل انج تجربين فالبيت …. الحليب مثلا جربي لا تشربين ولا تاكلين أي شي من منتجات الحليب والأجبان لـ كم يوم، بتلاحظين فرق أو لا؟؟
وجربي نفس الشي ويا باقي الأكل اللي تاكلينه …. يمكن جسمج ما يتقبل هالأكلة وبالتالي مجرد تجنب هالنوع من الأكل بيعفيج من مشكلة الغازات