بس من هالحالة

هنيه كنت كاتبه جزء من المعاناة
http://www.uaewomen.net/showthread.php?t=257433

ردودكن حسستني بالامل بس الواقع شي والحلم شي ثااااني
والله تعبت

مساعه امايه اتصارخ تقوووول ابويه يقووول ردن الموبايلات
وبيقطعون النت وياخذون الاب تووووب مالي ومال اختي !!

كل صيف على هالشله،، مليت كل ما اذكر الصيف راسي يدور
حبس بين اربع ايدران لا ارمس ربيعاتي ولا اعرف شي عن
العالم من غير الكلام السم ،، ما اعرف ليش هالاسلوب ؟
وشو الحكمه منه ؟ !!

كنت مقدمه في وظيفه واتريا ردهم على اساس اشتغل فالصيف
بس يوم بياخذون الموبايل كيف بدبر اموري ؟ ياني احباط والله

انا اراكض شرق غرب عشان هالوظيفه واسوي مقابله واتعب
نفسيا وجسديا واخر شي بالساهل تروح من ايدي وانا محتايتنها

انزين انا مب صغيرة انا عمري 24 انا انسانه بالغه ليش فيه حد يتحكم
لدرجه الاستعباد !! مب الله خلق الانسان حر ومخير في حياته

ليش عيل كل هااا ؟

اخواتي نجحن فالثانويه يابن معدلات ترفع الراس سووولهن طاف!
واخويه اللي كاتبه عنه راسب مع مرتبه الشرف ما قالوا له شي !؟

والله بنفجر ،، افكر باشياء مب زينه ،، عفت الحياة ،، مالها طعم

فرحي يشابه حزني ما اختلف عنه في شي ـــــ دوم قلبي يعورني ,,,

اللي يروم يحجز لي غرفه في مستشفى الامل لا يبخل عليه وشكرا ,,