بالجد والعمل , نحقق الامل .يالله انا توكلت على الله

انا تعبت من وزني خلاص (اعرف كل مواضيعنا نفس الشي). بس خلاص زدت وااايد خلال ها الاشهر مع انه الدكتوره قالت صار عندي تكيس (ناقصه بعد؟) بس الحمدالله على كل حال.

انا من دخلت الاعدادية وزني زايد بس كنت اضعف كيلوين و ازيد كيلو. اتخرجت من الثانويه متيينه و ضعفت شوي في الجامعه. سويت بعدين رجيم نيوترشن ضعفت 8 كيلو ورديتهن دبل في كم شهر.

واول ما اشتغلت وصلت الرقم القياسي طفت 110 و في رمضان الي طاف كنت 116 و الحين 118 و حاسه اني خلاص تعبانه. ما اقدر اللبس ما اقدر اسوي شي والله. خاصتا عندي سفره بعد شهرين وما اقدر اللبس الي يعيبني الشتوي.

وما اريد اسوي عمليات وما ادري شو لانه الكل ينصحني بالربط – بس انا مو داش راسي اني اسير واتبنج بنج كلي واتعب بعدين – علشان شي كنت اقدر اسويه لو عندي عزيمه.

وانا عارفه شو الي بيضعفني – اني امتنع عن الجنك فود و المشروبات الغازيه. انا اشرب من 3 الى 4 في اليوم و الدكتوره قالتلي اقطعيهن وامشي بتنزلين على طول.

فكرت وايد و قلت خلاص ببتدي من باجر. انا الحمدالله عودت عمري اني ما اشتهي الشي المقلي و خليت الخدامه داايما تشويلي كل شي. وانا احب الاجبان و الاشياء المشويه.

انا وايد فكرت السنين اتي واتروح وانا مثل ما انا ما اتغير – فعقدت العزم اني هاي السنه بس افكر بصحتي لانه مب زين علي كل ها الوزن و حطيتلي اهداف وكل هدف اوصله بحصل هديه قيمه. ريلي عيبته الفكره وقالي هو الي بياخذلي الهديه.

اهدافي :

الهدف الاول اوصل 100 – 20 كيلو في 4 شهور
الهدف الثاني اوصل الين 85 – 15 كيلو في شهرين
الهدف الثالث اوصل الين 75 – 10 كيلو في شهرين

شجعوني بنات بليز

كلامج حلو وخطتج حلوه

في عدنا تجمع لوزن 90 كيلو وفوق

اذا تحبين تشاركين معانا بيومياتج وتسولفين حياج الله

بارادتج تكسرين الصخر
ما يحتاي عمليات وخرابيط

خلج عالطبيعي والرياضه

انا شراتج تكيس ونفحه وامساك وبلاوي

بس بالاراده ترومين تتغلبين ع كل شي