انا اللي كنت خايفه يولدوني . . طلعت بالسلامه الحمد الله . .

الفظل لله سبحانه ولدعواتكم الطيبه ودعوات اهلي الله لاخلاني منكم والله لايراوي حد اللي مريت فيه الحمى كانت واااااايد شديده كنت احس اني اغيب عن وعيي من الحراره ونبظ البيبي كان سريع بسبب الحمى قالتلي الدكتوره لازم تتنومين عدنا لان الحمى تسبب ولاده مبكره وغير عن جيه الحمي مب طايعه تنزل حاولوا باكثر من طريقه ومااااي فايده تحاميل جلوكوز سبوح ماااااااااتنزل خفت يولدوني لانهم كانوا خايفين على البيبي ونبظ البيبي لانه طول ماحرارتي عاليه النبظ البيبي يظل سريع مايخف الا اذا نزلت حرارتي والحمد الله نزلت الحراره عقب عناااااااء وطلعت من المستشفى الحمد الله والحين انا بخير وبخصوص H1N1 باجر بتطلع النتيجه بس طمنتني الدكتوره دام كل شي بخير انشالله النتيجه سلبيه ومافي شي صدق زيغوني ومتفائله خير انشالله والحين انا يالسه اخذ مظاد حيوي وانشالله مايظر البيبي وعلى فكره واااااااااااايد كان تعاملهم فوق الممتاز حنيه زايده وكل شي اباه يوفرولي اياه واهتمام مب طبيعي والله حتى اذا ماكلت تزعل عليه السستر اتقولون وحده من الاهل اتقول مابطلع لين اتخلصين الصحن كله الماي تغصبني اشرب الدبه كااااااااامله وان خليت قطره ماتشلها والله اتقولي اشربي اقطره الي تمت عقب بطلع ههههههههههه (( مستشفى الوصل )) وكل مايتغير الشفت اقول الله يعيني اخاف الشفت اللي عقب اشد والله كل سستر احسن عن الثانيه حتى الدكاتر روحهم مرحه ويسولفون والله انا اباه يسوونه حتى الدوا ماطعت اخذه ما الانفونزا لان مب متاكدده قالتلي يحقلج ترفظين العلاج واللي تبينه بيصير بس ناحسوا ويايه عسب الطلعه لانه ماكانوا يبوني اطلع الا وهم متاكدين اني بخير …….