السلام عليكم خواتي
كل عام وانتو بخير
وعساكم من العايدين والسالمين
امس سرت مستشفى راك
والحمدلله طلع كل شي طبيعي
الياهل اوكي
وحملي طبيعي مب مجدم مثل ما قالوا
مستشفى كويتي ودكتورة كرامه
وحتى نموه زين لا راسه كبير ولا اي شي ولله الحمد
بس قالت لازم اخذ ابره عشان يكتمل نمو رئه الياهل
لانه اذا انولد الحين بتكون رئته شوي مب مكتمله
وهالابره يكمل رئته وانا ف حملي الاولي بعد خذيته
وزنه الحمدلله 2كيلو 120جرام
والياهل نازل فالحوض والحمدلله وهالشي من قبل
وسولي التخطيط وفي ويع شوي يوصل لين 18 و19
ويرد ينزل
سؤالي هو
هل يصير اربي ف الاسبوع 34 او 35
؟؟؟؟؟؟
انا الحين بالاسبوع 33 و5 ايام
في حد ربت ب هالوقت؟؟
وهل يحتاج الطفل لحضانه؟؟
ولا ما يحتاج لاني خذيت ابره الرئه؟؟
وهل اذا البيبي كان فالحوض نازل
الولاده جريبه؟؟
كلهم يقولون لي هالشي؟؟ما اعرف ليش؟؟
بس على حسب كلام الدكتورة ما في خطر اذا ربيت لانه كل شي طبيعي والحمدلله
وانا اصلن ابغي اربي قبل المدارس عشان ظروفي
وعشان ما عندي حد ابدا ابدا
شو اسوي عشان اربي قبل؟؟
تمر ما اقدر اكل لانه يزيد الكحه بشكل فضيع
اتريااا ردودكن يزاكن الله خير
الله يسهل ويسر ويهون على كل حامل
ويرزق كل محرومه
ويرزق كل بنت بزوج صالح
ويرزق الكل بالذريه الصالحه
ان شاء الله
هلا الغالية
الله يسهل عليج وعلينا يارب ونولد بالسلامه يارب
انشالله كل شي طبيعي
لان وحده من هلنا ربت فالاسبوع ال 34 وقالولها قبل اذا ربيتي في ال 34 بنشوف اذا البيبي فيه كل شي طبيعي مايحتاي حضانة
واذا فيه شي لازم حضانه
وماشالله عليها طلعت الحجره وبنوتتها معاها وكان كل شي طبيعي
وانشالله يطلع كل شي طبيعي فيج وتولدين بالسلامه
ان شاء الله
يزاج الله خير
يالله كروشات اتريا اجوبتكم
على باقي اسئلتي
وتدعون لي ولكل حامل
وكل محرومه
وكل بنت بزوج صالح
والله يشافي كل مريض
ما عندي فكرة والله يسهل عليج انشالله .. أنا بعد خاطري أربي بسرعة تعبت والله
فديتج عادي وانشالله بتربين بالسلامه
انا ولادتي الاولى كانت في الاسبوع 32
وتم ولدي في المستشفى اسبوع وطلع فديته ربي يحفظه
وماشالله عليه الحين مكمل سنه
واذا البيبي نازل في الحوض معناته ولادتج سهله باذن الله
لاني كنت نفس حالتج بالضبط وولادتي كانت سهله والحمدلله
وتوكلي على الله وربي يسهل عليج
يزاكن الله خير
ريحتوني عسا الله يريحكن ويوفقكن
ربي يقومج بالسلامه
وانشالله خواتي بيفيدونج