السلام عليكم والرحمه
خواتي الكريمات ……….
الوالده فديتكم سوت فحوصات في مركز امبريال السكري وقالولها لازم تسوي فحص للغده !!!!!! في رقبتها وحولها الدكتور لمستشفى خليفه الطبي قال لازم ياخذون عينه من الغده عشان يفحصونها ويحددون اذا تستلزم عمليه او لا !!
والوالده مرعوبه وايد لان ابوها مات من شي كان برقبته قبل يوم كان مافي فحوصات وجدها بعد بسم الله عليها وعليكم ان شاءالله
بنات طمنوني هل اللي فيها عادي ولا في شي يخوف احنا خذنا موعد في مستشفى خليفه الطبي وللحين ماحددوا متى موعدها بنات ريحوا بالنا الله يريح بالكم
اتريا ردودكم
للرفع
الطب الحين غير عن اول .زاول يموتون بدون مايعرفون السبب ………
يمكن الوالدة عندها تضخم بالغدة الدرقيه ..يمكن بسبب زيادة نشاط الغدة !!!
عادي يسون العمليه ……ماتأثر … وممكن يشلون الغدة الدرقيه كامله وعقب تنعطى علاج تعويضي اللي هو الثايروكسين ..اللي ناخذه نحن اللي عندنا نقص بافراز الغدة الدرقيه ……..
الله يشفيها ويشفينا ويشفي مرضى المسلمين ….
اولا ربي يعافي الوالدة وما اتشوف شر
وانا ما اريد افاول عليها ….بسم الله عليها
لكن نصيحة من القلب خليها اتسوي كل الفحوصات اللي يبونها الا …وحطي تحتها الف خط
الا ياخذون عينة ….هذا لو كانوا شاكين بشي عافاها الله
بتقولين ليش ؟؟
لانه عند اخذ عينة من اي ورم يا يطلع حميد والا خبيث الله لا يقوله
اذا طلع خبيث – بسم الله عليها تراني ما افاول – لاازم على طوووووووول تاخذ علاج واذا اتاخر العلاج عقب
اخذ العينة بشهرين يكون الوضع بعدها جدا حرج
انا اقولج هالشي من تجربة زميلة
وان شاء الله اطمنينا عليها ولا يكون ابها الا العافية
طمنيها و قوليلها كل ما يصيب المؤمن خير
والله ماأعرف شي عن الغدة بس حبيت أقول الله يشفي الوالده ويطول بعمرها..
ولا تحاتون لأنه الحمدلله الزمن الحين تطور واذا كنتو وايد تحاتونها ودوها لندن وخليها تسوي فحوصات مره ثانيه..
يعطيكم الف عافيه خواتي فعلا لازم لازم نسويلها فحص وهالموضوع مافيه اي تهاون بس الله يهديها الوالده تخاف وايد الله لايحرمكم من امهاتكم