السلام عليكم والرحمه الله وبركاته
شحالكن كلن.؟؟
ان شاء الله طيبين
اكيد تبون تعرفون شو مشكلتي
طبعا انا طرحتها قبل والحين اكررها
بس اخاف تفلعوني بالنعال هههه
دخيلكم ما نبا تفجيرات وتفليع فالموضوع اوكي << حلفي انتي بس
حبيباتي أنا مشكلتي
((…. الهيااااااااااااااااازه ….))
بموت من هذي المشكلة
مب قادره اشغل عمري بشي
بعطيكم اشوي من مواقف
طبعا الحين مالجه .. تخيلوا ريلي 4 مرات ياني ولا اطبخ له شي
وهو وحليله متشقق ومتحمس ايي بيتنا …يبا يتذوق شي من اييدي .. ومن ايي وما يشوف شي مسوتنه يتحطم الريال ..يكسر خاطري والله <<< دامه يكسر خاطرج عيل جيه ما تسويله شي ههههه
بس والله احس عمري دوم تعبانه وماقدر اسوي شي<< هيزه بمعنى الكلمه
مع العلم هو يدري اني ما اعرف ..بس دوم يقولي تحركي اطبخي تعلمي ساعدي امج ..سوي اي شي
تصدقون حتى مب قادره اهتم بعمري
يوم اشوف مواضيع البنات ..اونه يستخدمن هذا وهذاك ويسون خلطات ومادري شو …اموت قهر من عمري لاني ما سويت شي مع اني مفروض اهتم واحافظ عالبشره وغيرها وانا طاف ولا على البال
مب حاسه باني بعرس والمفروض اهتم …ماعرف شو فيني ..هيازه ذابحتني
والله ميته قهر من عمري
ابا شي ينشطني
ابا اتحرك
ابا اسوي اي شي بس هيازه مقطعه روحي
ابااااااااااااااااااااااا حللللللللللل للقضاء عالهيازه<<< رشي عليه بف باف وبيقضى عليه باسرع وقت خخخخخخخخخخ
ادري مشكله بايخه بس اشوفها مشكله عووده عندي
ابا حد يوجهني ويوقف وياي ويرشدني ويتابعني <<< ماشي شغله عيل
يعني ما اسوي شي الا اذا حد واقف وراي بالعصا خخخ
ادري طولت عليكم << مب منج من لسانج اطويل
مثلي احس هالايام مستويه مثلج كسل وخمول وما اسوي اي شيء
بس مرات اتنشط ولكن نادرا
يبالج ارداه انج تتغيرين وتسوين كل شيء بخاطرج وتتحركين وماتيلسين اول شيء
بتتعبين بعدين بتتعودين وبتحسين كل حياتج نشاط
وسيري سوي فحص يمكن شيء فيج مأثر عليج ومخلنج كسولة جي
المشاركة الأصلية كتبت بواسطة رافينا 
بس مرات اتنشط ولكن نادرا
يبالج ارداه انج تتغيرين وتسوين كل شيء بخاطرج وتتحركين وماتيلسين اول شيء
بتتعبين بعدين بتتعودين وبتحسين كل حياتج نشاط
وسيري سوي فحص يمكن شيء فيج مأثر عليج ومخلنج كسولة جي
أنتي بعد نفسي … زين يوم حد طلع شراتي خخخخ
شو رايج نسوي فريق هيزات << متفيجه والله
مسويه فحص ومافيني شي
مالي نفس ابدا
يالله شجعوني وادبوني حبيباتي << محد مخربنا الا الماما والبابا ههههههه
مشكوره فديتج عالنصايح
خخخخخخخخخخخخخخخخ
والله ضحتيني ويا تعليقاتج….
حرام كسر خاطري عنبو سويله اي شي بسيط مب لازم طبخ خخخخخخخخخخخ
باجر يوم بتعرسين وبتنتقلين لعش الزوجيه خخخخخخخخخخ بتعرفين العصا عدل خخخخخخخخ
لاتحاتين حبيبتي في بيتج بتنجبرين تشتغلين وبيطلع النشاط عدل خخخخخخخخخ والله مايندرابج (اتغشمر)
السموحه…
ياقلبي
ترا نكـــج له دوور كبيـــــــــــر
غيري نكج خليه شي يوحي بالحيويه النشاااط اي شي من هالقبيل
لانه في البرمجة اللغوية العصبية [ NLP ] النكات و العبارات اللي دوم تشوفينها تأثر عليييج
فغيري النك لو ماتقدرين سجلي بنك ثانـي
و دووم قولي لعمرج انا اليــــــــوم نشيطـــه
اليوم احس بحيويــــــه وطاااقه كبييييييره
انا نشيطه .. انا نشيطه .. انا حيـويه
و كرريها لعمرج و ياحبذا لو محد عندج تقولينها بصوت عااالي <<< عن يقولون شبلاها تخبلت 
وااااااايد تنفع هالطريقه
و طبعا مادري لو عندج الجرأة تعلقين اوراق و كاتبه عليها هالعبارات في حجرتج
لو ماتقدرين
خليها واجهة الديسك توب كلماااات او تصميم يوحيلج بالحركه و تحسينه يشجع عالنشاط
اهم شي ابتعدي عن الايحاءات السلبية .. لانه عقلج البااااطن يختزنها و بدورج تسوينها بدون ماتحسيين
لو دووم تكررين ايحاءات ايجابية وتقولينها لعمرج .. بطبقينها باذن الله لا شعوريا
.
.
ربي يوفقج و يسعد قلبج ويسخر لج ريلج و يرزقكم الذرية الصالحة 
حبوبه لازم تتعلمين الطبيخ الطبخ سهل مب صعب والكتب مب امقصره بس انتي قوي عزيمتج وبتتيسر الامور
حليلج كسرتي خاطري تصدقين …
لاني اخس عنج في الهيازه .. ما اظن تتحديني
ياربي شو هالحال …والله صج صج اتمنى تخوز عني هالهيازه … كل حد يتحرطم علي