لين متى أهالينا ينفروا الشباب من شي اسمه زواج والسبب غلاء المهور والاسعار المبالغ فيها ؟
اللي يطلب 120 واللي 80 واللي 100 الف
شو السالفة ؟
واذا قلنا لهم مب تهمنا الفلوس يردوا لنا ويقولوا انتي بنتنا وانتي مب أقل من بنات الناس شوفي فلانه وشوفي ربيعاتج مهورهن مب اقل من 80 الف !!
الله يرزقج ولد الحلال ان شاء الله …
هذا مهر ولا مهر مع زهاب لانه يفرق
اذا كل شي مع زهابج فأهلج عندهم حق مب السالفه تشترين او لا لكن الريال اللي يبي يعرس بيكون موفر لحرمته مبلغ حتى تشتري يعني ما يصير حجز القاعه وما عنده فلوس لفستانج وما يغلا على حرمته انتي هالمبلغ لو بغيتي تأثثي شقتكم بتساعديه لكن يبي ياخذج من بيت اهلج جيه لا قاعه ولا عرس ولاشي كيف تبيهم يوافقون ؟
مب لازم تسوي عرس فخم لكن منحقهم يفرحون فيج والناس تدري انه بنت فلان بن فلان عرسها اليوم وبياخذها ولد فلان
عيني خير على فكره انا فلوس زهابي مع مهري لحد الحين في البنك ما صرفت ريال واهلي ما قصروا بهداياهم لي وشريت اللي ابيه وما غير مصروفي اللي كنت اخذه منه وكنت اشتغل واصرف فالحمدالله
فإذا الريال مب قادر يوفر مهر حرمته مع العرس فكيف بيقدر على متطلبات الحياة ؟
بصراحه المبلغ هب كبير انتي سيري سوق الذهب الطقم بروحه أخف شي ب 0 درهم فما بالج عروس وتبين تتجهزين!!!!
الله يهديج المبلغ هذا ولا شي ..
لانه في ناس تدفع 120 ولا شبكه ولا دبله والشي كله عليج
اختي مهرها كله ع بعضه 100 ماخذت غير اشيا بسيطه مااذكر انها خذت شي .. غير دبله وذهب خفيف
صدق كلامكم الصراحة ولو يزيد السعر أحسن بعد يكون
عشان يزداد الزواج من الاجنبيات وتزداد العنوسة
انا أرفض غلاء المهور. .لأن الزواج حياه طويله والديون هموم