مرحبا يالغاليات
والله اني أحبكم في الله .. واااااااايد مستفيده منكن ومن تجاربكن
بغيت أسأل إذا أي وحده جربت المشد الاندونيسي
أو المشد الحراري وجاب نتيجة معها؟؟
أنا ضعيفه جدااا مو يس ضعيفه إلا نحييييفة طولي 165 ووزني 49-50!!
بس تخيلوا مشكلتي
من سنه تقريبا خذت حبوب فاتح الشهية موسيجور عشان اسمن لان الكل يقول عني مسطرة وقلم وهيكل
!!
طبعا ما جابت نتيجة معي ابدا وظليت على حالي
وما خليت شئ ما خذته عشان اسمن لين انخطبت وقالي خطيبي ان جسمي عاجبه وما يباني اسمن!!
المهم ألحين من كم شهر احس اني فيني كرشة صغيرونه طبعا ما تبين إلا اذا لبست استريج
والله يا بنات ان الدنيا دايره فيني وما عرف شو اسوي
تخيلوا ضعيفه وفيني كرشه
فكرت امشي بس ماعندي مكان امشي فيه واسوي تمارين شد البطن واتعب على طوووول ما اقدر!
مع العلم اني طووووول السنوات الماضية ومن بديت احفظ العقل وانا اشرب ماي وااااااايد على الاكل يعني اسيح كل لقمه بالماي!!!
وغير اني انام على بطني ما اعرف ارقد إلا ع بطني حاااااااااااولت اغير بس ماقدرت اتم صاحية للصبح!
وهاي من اسباب ظهور الكرشة بعد !
انا ألحين وقفت شرب الماي عالأكل
بس ما قدرت اغير وضعية نومي للأسف وبعدني بحاااااااااااول…
ارجوووووووووووكن يالغااليات ابى نصايحكم وتجاربكم مع المشد الاندونيسي والحراري اذا بيجيب نتيجه … لأني طلبت المشد الاندونيسي وبعده ما وصلني ناوية اجربه..
اتريا تجاربكن
للرفع
السلام عليكم
احبك الله الذي احببتنا فيه غاليتي
المهم
المشد الاندونيسي افيد لج الصراحه وايد وايد مفيد
وبعدين حاولي تغيرين طريقة نومتج ونامي على جنبج الايمن وتعالي على نفسج شوي وبتتعودين عقب
بصراحة عم تجربة المشد الادونيسي روعة
ونصيحة استخدميه فترة الدورة لأن وقت الدورة يكبر البطن وينتفخ وايد
انا استخدمه يوميا وقبل النوم اشيله خلال سبوع بطني يختفي
وارجع اخربط في اكل العيش ويرجع وارجع للمشد مرة ثانية وهذي سالفتي
لا تسوي لا مشد ولا شئ رياضة بطن وشاي اخضر مع نعناع بعد كل وجبة وبس وشوفي الفرق
تسلمن الغاليات على مروركن ونصايحكن ربي يجزاكن الجنه
اليوم وصلني المشد
حاااااااااااااااااولت اشده وألفه على كرشتي الصغيرونه ما رمت!! ما يمسك أصلا
يعني يستوي فرااااغ بين بطني والمشد!!
هلا فيج أختي
أنصحج باستخدام المشد الأندونيسي لأنه بصراحه روووعه
ما أقول هالكلام لأني اتاجر فيه بس …. لا والله عن تجربه له شخصيا
واذا ما تعرفين طريقة ربطه وما يثبت معاج معناه ان انتي ما تربطينه الربط الصحيح للمشد
لأن المشد الأندونيسي له طريقة خاصة لربطه يثبت بعدها و تكون النتيجه فعاله معها
****
و الحمدلله انج عارفه ان شرب الماي مع كل لقمة يسبب الكرشه
حاولي تخففين العيش و البطاط الشبس المقلي
وما أنصحج برياضة البطن يقولون ان تركتيها يرد البطن و الكرش زوود !!!
أحسن رياضة هي المشي
مع شد البطن طووول ما انتي قاعده وواقفه وماشية …. الخ
*****
والله يوفقج ان شاء الله