المراه القويه والمراه الضعيفه ، ايهما اسعد ؟؟ آرااائكم

انا : من العيين ^ـ^ اعتبر عمري قويه ، وتربيتي ع اساس ان الحرمه عشان تكون ناجحه لازم تتعلم والعلم اهم شي وتشتغل وتعتمد ع عمرها ، وطبعا فسوالف البيت والطباخ زييروو بس متفوقه ولله الحمد فالدرااسه وابا وظيفه راقيه فالمستقبل >>

مش معرسين طبعا

المهم المهم

الحين نيي للنقاااشتناا

<<< الخيانه الزوجيه …<<<<<

فرضا اكتشتفي ريلج يرمس بنات فالمسن او الفون ، شو رده فعلج ؟

ربيعتي : بزعل وبطنش وما برمسه لين ما ايي يعتذر

هني نقعتتتتتتت ظحك عزز الله تاااب الريال اذا كلمه حلوة ترضيج ،، يحظه الخااين الي وياج كل يوم يخون وايي يعتذر حلوة هاااي

لااا وعاادي عندهااا قالت بساامحه اكثر من مره لاني بكوون احبه ولا اقدر اتخلى عنه

انا : اذا اكتشفت الخيانه فنفس الجزء من الثانيه بوااجهه وبرمسه بقووله شوووو تسوي؟ ترمس بنااات الخلق وانت ع ذمتك حرمه انااا قصرت فشي ،،؟؟ اذا مقصره فحقك قوووووووووول ارمممس انطق انتي مقصررره وما يصير فالك الى طيب ما ترووووح للحرااام >> بطلللع كل الي ففوادي ولا بسكت

وبخليه يقول الي فبااله ويوم يخلص مهما كان الي قاله بسير بيت اهلي اسبوع ولا اكثر بريح شوي بخليه يفكر ويعرف قيمتي وكلها فرصه وحده ان كشفته مره ثانيه بيني وبينه المحااكم ماااااااااااافيني صبررر

شي ثاااني اللي هوو ( الزواج من حرمه ثانيه )

فرضا ريلج قال بعرس عليييج او عرس بالسر للمره الثانيه

ربيعتي: شو اقدر اسوي يعني الشرع حلل اربع ، اذا الشي فباله ما بقدر ارده وبرايه يتزوج .

عاادي يعني بكل سهوله المهم ريلها حبيبها ما يفااارجهاا

انا : ماااااااااا ارييد ماا ارضى يتزوج عليييه جييه مني والدرب ، قايله من قبل انا الريال ماا يعرس بالثانيه الى اذا الاولى فيها عييب مريضه او مقصره بسسسسس ،، اما والله خااطري بزوجتين لاا طبعا ارفض ،، بقووله لااااحسن كملهااا خذلك ثلاث مره وحده وانا انسى ابقى ويا ريال جييه ، مااعدا اذا انا واثقه انه بيعدل بيني وبينهن ببقى ع ذمته ع اساس ام عياله وانا اشكك اذا ريال يقدر يعدل فهالزمن

الشي الاخير >>> ( اذا فشهر العسل برا البلااد قالج ريلج مشتهي طباخ البيت (( غداااااااااء عييش وسمج ولا دياااي )) )

ربيعتي : طبعا بتقووم وحدددهاااا مستاااااااانسه >> شعلييهااا بتطلع كل مواهبهاا ^^

انا : قلتلها بقووله قووم اطبخ وياااي اذا تبااا ، هيي يطبخ لييش لاا ما عندي دلع رياييل هو يبرك جدام التلفزيون وانا اشعوط داخل المطبخ ،، عالاقل يقطع وياااي،،،، وحتى سوالف البيت الثانيه تنظيف وغيره لاني بكون اشتغل حالي من حاله يعني لازم يشاركني اشغال البيت والعيااال بعد

آمممممم ربيعتي تقول هااذا الريال الشرقي لا يمكن يتغير وانا اووونه واايد احلم ولازم نطيع اواامرهم ونحن ساكتيين وتقول بعد انه الريال ما يحب الحرمه القويه وعاادي عنده بيطلقني بكل سهوله وبياخذ ظعيفه وبيسيطر عليها

انا اقوول هييي ليش لااا يقدر الرياااال يشارك الحرمه اهتماماتها نحن سنه 2024 مب عصرر الجاااهليه تتاكل حقوقنا ونحن ساكتات والحرمه الي تسكت عن حقهاا وتقول هني سعادتي بالعكس انا اشوف السكووت بييب المرض والكآآبه والتعااسه ويين السعاده هنيي ،، اذا عاادي عنده يطلقني باي لحظه لاني قويه فانااا مب خسراانه شي هوو الي صرف ع العرس وخسر فلووس انا ما خسرت شي خلله يطللق انا الي بفتك مب هووو

طبعا نحن نقوول اذا كان نصيبج ريااال خااااين مب مقدر الحياه الزوجيه ما نرمس عن رجل مثاالي طيووب يغلط مراات ،، تعررفن شو اقصد صح