السلام عليكم و رحمة الله و بركاته؛
حبيباتي المتزوجات و الي مقبلات على الزواج وخلصن امور الزهبه
خبرونا كم فصلتوا من مخاوير ؟ عبي؟
و كم جلابيه للبيت؟
وقمصان نوم طبعا ؟
كم شنطه ؟ نعول؟
كم مغربي خذتوا؟
طبعا يختلف اذا بتسكنين في بيت روحج او مع اهل ريلج 
من جي محتاره كم افصل و كم أخذ ؟
لأني بسكن ويا اهله لظروف شغله
ومشكورين 
انا ما اذكر بالظبط كم سويت بس بحاول اقولج بخصوص اللي اشوفه هالايام
١٠ مخاوير بألوان متنوعه وتكون متروسه فصوص بما انج عًروس
و ٧ عبي فيهم اللي تصلح للزيارات والطلعات ووحده حق الاعراس
واذا بتسافرين وبتلبسين عبي فصلي كم عبأه غير السبع حق السفر يكونون خفاف ومسكرات عسب ماتتلعوزين
جلابيات للبيت أخذي عشر نوعي بين الكم الطويل والكم القصير والقطن والشيفون والحرير
قمصان نوم أخذي ١٢ متنوعين غير قميص نوم اول ليله
البجايم أخذي سبع ويكونون بين الحرائر والشيفون
أخذي سبع شنط وغير هالسبع شنطه او ثنتين للاعراس بالالوان الستاندر ذهبي وفضي
ويكون معاهم الجوتي او النعال طقم
والجواتي والنعول أخذي سبع
والمغربي أخذي وحده او ثنتين كشخه
وخمس مغربيات خفاف للبيت اللي يكون طبقه وحده والشغل خفيف
وانتي بإمكانك تزيين عالعدد او تقللين على حسب امكانياتج
ومبروك عزيزتي مقدماا
للرفع
موفقة
مشكوره اختي ام قناص على مرورج الغاوي 
ع حسب مهر ككل وحدهه طبعااَ
عن نفسي فصلت 5 مخاوير لاني ما البس وايد
وجلابيات 14 كششخه بكم طويل لاني بسكن ويا اهل ريلي
وجلابيات عادية 2 لاني يوم بكون ف حجرتي بلبس بجايم وبدل وجيهه
العبي للحين ما فصلت بس مفكرهه افصل 3 للزيارات و 2 للاعراس و 1 سادهه لان تعرفين لو فصلتي وايد موديلاتهن تروحح ف ما ترومين تلبسينهن بعد من جيهه انا ما بفصل وايد
الشنط خذت 2 بيغ باغ و3 عمليات كشخة ..
قمصان النوم 20 منوعات قصار وطوال ..
وباقي الاشيا للحين ما خذتتهن ..