السلام عليكم
شحالكن يا كروشات
انا عندي استفسار
ابا افتح ملف بمستشفى الوصل بس تراني من راس الخيمة
المهم انا الله يسلمكم عندي دوخة مستمرة ما أقدر امشي و أتابع وايد بسرعة يغمى علي
المهم خايفة اروح هناك و اتبهدل يقولولي روحي هني و هناك و مدري شو و بالنهاية … تيني دوخة و أروح فيه حتى لو كان زوجي معاي و يتابع معاي اجراءات فتح الملف..
المشكلة لا انا ولا زوجي نعرف شي عن مستشفى الوصل ولا مرة دخلتها حتى ماعرف شي عنهم ابدددددددد ولا عن أقسامهم و لا أعرف حد من أهلي مربي هناك عشان استفسر و استفيد
فحابة تفيدوني بليز
وهاذي بعض الأسئلة
وهل لازم بالأول نروح لعيادة حكومية مثل عيادة القصيص مثلا و هم يحولونا لمستشفى الوصل؟
و اذا بروح وين اروح بالضبط؟ بأي قسم لان حسب ما سمعت انها كبيرة وتضيع خخخ
بأي شهر اقدر افتح ملف؟ هل في شهر عين مثل واللا عادي بأي شهر؟ للعلم ناوية أفتح بعد شهر
أي شي تعرفونه ممكن يفيدني خبروني يزاكم الله خير
أفيدوني بأي شي لان اول مرة بروح لها و ما أبي تجيني دوخة و أتفشل هناك كم مرة صارت لي والله بهدلة
ويزاكم الله ألف خير
مرحبا حبوبه…
الغاااليه بداااية أتااابعين الحاااله في العياااده… ومن بعدها هم اللي يأخذولج المواااعيد ف الوصل… بالنسبه للتحاليل الدم وفتح الملف أكون في العياااده يعني شرااات ماقلتي.. (( القصيص – الراشديه – المنخول – الممزر-)) ألخ…
واللي أعرفه أن مستشفى الوصل صااارت مواااعيده وااايد متبااااعه… يعني أنا سرت العياااده في الشهر الثااالث… وموعدي كاان في الوصل… في أخر أسبوع من الساااادس… ….
وبالنسبه لفتح الملف في الوصل… (( صورة جوازج… وجواز ريلج.. وخلاصة القيد وعقد الزواج… ))..
ويكون في قسم التسجيل… أول ماتدخلين المستشفى لفي يمين على طول… وبتلقين مكتوب ع الباااب الزجاجي التسجيل وبيكون ع اليسااار…
وعسى الله يعطيج العااافيه … ويقومج بالسلامه…
أختي الغاليه ……………أول شئ سوي البطاقه وبعدين أتصلي عيادة القصيص بما أنج من رأس الخيمه مثلي انا من راس الخيمه…………وهم بيتابعون حالتج لين الشهر السادس أو السابع وعقب بيحولونج مستشفى دبي
مب الوصل …………..بس أذا كان عندج ملف من قبل في الوصل بيحولونج الوصل………والحمد لله أنه عندي ملف في الوصل………..
ميرة دبي
يزاج الله خير ما قصرتي كفيتي ووفيتي الله يجزيج خير يارب
ان شاء الله أخدمج بالأفراح
غافة السيح
يعني مايستوي بالوصل لازم دبي؟ لان انا ما عندي ملف بالوصل يعني شكله مافي أمل
عموما شكرا ع المعلومة ماكنت أدري و ان شاء الله بتوكل و بروح القصيص متى ما أقدر و يزاج الله خير
للاسسسسف
بس بعد مستشفى دبي زين أختي تابع حالتها عندهم
وموفقه أن شاء الله
لاحبوبه منوااا قااالج ماااالج أمل..
بس المسأله تعتمد على المنطقه اللي أنتي فيها… يعني من أي عيااده يايتنهم التحويله…؟؟!!!!
بس أذا عندج ملف فـــ الوصل ليش أتحاااتين…؟؟؟؟!!!
(( راجعي في عيااادة الراااشديه أو المنخول… )) هذيل تااابعين للوصل… (( عيادة الراااشديه أقرب لج أذا أنتي تبين القصيص,,))
غافة السيح تسلمين يالطيبة يزاج الله خير
ميرة دبي … يعني في امل لو رحت الراشدية يحولوني ع الوصل؟ حتى لو كنت من راس الخيمة؟
على فكرة انا ما عندي ملف بالوصل ،، لو عندي ما كنت يلست احاتي هالكثر
عموما انا خذيت فكرة الحين وان شاء الله الله بيسر
وتسلمون يا اخوات صدق ماقصرتوا يزاكم الله خير