خواتي اللي عيالها دخلو المدرسه متى علمتوهم القراءة والكتابه من اي صف او اي عمر؟؟؟؟؟
انا ولدي في الصف الاول grade 1
وعمره 5 سنين انا دخلته المدرسه من وقت واحس اني غلط اكبر غلطه في حياتي …هو ذكي وشاطر مشكلته بس يوم اشرح له ما ايلس عدل يتجلب ويلعب بالقلم والا اي شي وساعات يغمض عيونه ما يبغي يشوف يقول انا افهم لا تعيدين كم مره بس خلاص
هذا الاسبوع خليته يداوم والمدرسه باديه من ثاني اسبوع في رمضان وطبعا انا اخرته كنت خايفه من المرض المهم هو في مدرسه خاصه…. يوم شفت الكتب راسي عورني واجبات متراكمه من اول يوم ما داوم فيه… قلت ما عليه الي فات خلاص بحاول وياه بس يحل الواجبات اليوميه والتحضير لليوم الثاني يعني ابغي افهم الحين هاليهال توهم في الصف الاول عاطينيهم املاء الحين يالله يالله يكتب اسمه بين يومين املاء 10 كلمات بالانجليزي
انا تعبت وياه الولد احس انه صعب عليه عطوني الطريقه كيف اقدر اعلمه القرايه والكتابه وحفظ السور والله يهديهم المدرسه كله المواد يبونها في يوم واحد البارحه شرحت له بس الرياضيات والانجليزي والعربي وخليته يحل واجباته بس وما قدرت اشرح له العلوم واساعده في حل الواجب والتربيه الاسلاميه عنده حفظ سورة الفاتحه ونشيد …..عمتى ام ريلي تقولي حطيله مدرس وفكي عمرج من الصدعه . …اقول لها هذا في الصف الاول ووايبله مدرسين في البيت من الحين اذا انا امه ما قدرت اشرح له وتعبت يعني المدرسه شو بتسوي اكيد ما تشرح له عدل
بليز ساعدزني وعطوني الحل او اقل شي قولو لي كيف طريقتكم في التدريس ؟؟؟؟؟؟؟؟؟؟؟؟؟؟
الله يعين اليهال على المناهج
والله كرهوا المدارس بسبب الضغط
صف أول شلهم في الاملاء على الاقل خمس كلمات مب عشر
الله يعينهم عيالنا
اول بأول تراجعيله الدروس الي ياخذها وتحضريله الدرس اليديد مال باجر
وعلمية يكتب الكلمات من ثلاث حروف مثل جمل بحر شجر يحفظهم وبعديت مليه الكلمات عن غيب ويوم يستوعب عطيه كلما ثانية فيها مد ألف نام حام وزيدي كلمات يديدة من عندج يوم تملينه مع المراجعة بيفهم وعلشان مايمل عطيه بريك أستراحة مدتها 5 دقايق كل نص ساعه وزيدي الاستراحة أذا شفتيه شاطر معاج من باب التشجيع
السلام عليكم
مراحب أختي ..أتوقع نظام المدارس الخاصه يختلف عن الحكوميه
بنسبه لنا اليهال يتعلمون الكتابه من ثاني روضه والاملاء الصف الاول ما ياخذون يبدون من الصف الثاني وتكون نظريه يعني يعطه الاستاذ قطعه ويقول بكره املاء احفضوا الصف الثالث الاملاء في الحصه الاستاذ يكتبها على الصبوره خمس دقايق ويمسحها هذا الي شفته مع ولدي ما ادري إذا يفرق عن البقيه
بس حاولي تستغلين اجازة الاسبوع في حل الواجبات المتاخره وتفاهمي مع المدرسين
ولدي صف اول للحين في الدرس الثاني والارقام في الانجيزي ما عطوهم املاء
حببي الشرح لولدك طريقه في الحركه تدل أنه ملان غيري الاسلوب وشجعيه بلعبه ولا بطلعه وشجعيه ومدحيه حتى لو حفظ كلمه وحده بس
ربي يعينج
الله يعينا انا ابني نفس الشي بس احيانا احفزة واحيانا اظغط عليه حسب اذا كان بيستحمل الظغط او بتقبل التحفيزاهم شي الصبر وطولة البال في الاملاء لازم كل يوم تخليه يكتب الكلمات مش يحفظها بس في ليله الامتحان لان الاطفال يحتاجو التكرار والصبر وفي القراءة نفس الشي كرري عليه الكلمات كل يوم بطريقه كتابتها في كروت والعبي معاة فيها مثلا هو فريق وانت فريق وراويه الكروت الي يعرف يقراه يربحه والي مايعرف يخسر وممكن تحصلي كروت الكلمات عند التعليم المبكر