السلام عليكم ورحمة الله وبركاته
ياريت حد يدلني على أفضل دكتور أذن وانف وحنجرة فبوظبي وله العين وله دبي بليز
لاني سويت عملية فمستشفى الزهرة كان عندي انسداد الانف وقت النوم وبعد هالعلمية ماتحسن حالي للحين وشكله الدكتور تدرس طمه مايعرف شي وعلى كثر ماوصفلي أدويه وبخاخات ماشي نتيجة !
أنا تبهدلت فرقادي وخاصة عندي دوام فاليوم الثاني
اللي تعرف لاتبخل علي
تقصدين الزهراء اللي في الشارجه اذا هو هذا مستشفى بس اسم الصراحه ما سمعت حد مدح فيه شيء موليه
سيري عند الدكتور محمد عبدالعزيز في المستشفى المركزي الخاص وااااااااااااايد زين
هو صدق المستشفى ما تتشاهد ولا هم مهتمين فيها بس الدكاتره اللي فيها ممتازين
وعندهم دكتور روسي شاطر مال العين
ما تشوفين شر ان شاء الله
يزاج الله خير ام سالم
هي مستشفى الزهراء اللي فيه هالدكتور الطمه
وين مكان المستشفى المركزي اللي تقولين عنه؟؟
حبيبتي روحي عند دكتور محمد النجار بمستشفى ميدكير ماشاءالله عليه
انا سويت عنده عمليته اللوز ولا حسيت فيهن
الغاليه ما تشوفين شر انشاء الله
انصحج بمجمع السلطان في العين عند الدكتور حازم متخصص في اذن وانف وحنجره
وايد ممتاز لدرجة انه دوم عنده زحمه
يزاكم الله خير والله لين الحين أعاني وافكر أشتكي عليه فالمستشفى واخليه يرجع الفلوس لضمان ثقة
حبيبتي انا بعد اعاني مثلج وسويت عملية في مستشفى دبليو اس اس وما فادتني بشي وما انصحج تروحين للمستشفى المركزي د. محمد عبد العزيز انا سرت عنده وما استفدت من شي
من بعدما سويت العملية جاءلي عوار بالعظم داخل الانف والام بالجبهة وتزيد عند السجود بالصلاة وتميت بهالحالة قرابة 4 سنوات ومتبهدلة فأخذت العلاج الطبيعي عند مركز دبي للعلاج الطبيعي خلف نادي الاهلي والملابلازا وصراحة اختفت الالام نهائيا بس لين الحين مازلت احس بانسداد الانف خلال الرقاد والحين استخدم محلول ملحي واسوي مساج خاص حقه يسمونه نايسام هو عبارة عن عشبة مخلوطة مع ماء وعسل في مركز الكرامة للتدليك بدبي والله يشافينا برحمته