خواتي مابطول عليكم عندي مشكله الاجهاض المتكرر مايكمل 8 أسابع ويكون النبض والجنين اوكيه
بسألكم إذا تعرفون حد مر بإجهاض متكرر وخذت حبوب كورتيزون بجرعات قليله آمنه عالحمل والجنين
لأن قريت وايد في المنتديات وشفت إللي عندها اسقاط متكرر تتعالج من أول يوم الدوره بهالحبوب لأنها تقلل الاجسام المضاده اللي تهاجم الحمل وطيحه
بالاضافه الابر الكلكسان تساعد على وصول الدم بشكل سليم للجنين
وماشاء الله وايد حريم ثبت عندهم الحمل بأمر الله وكمل طبيعي
إذا تعرفون حد خبروني اي دكتوره او دكتور تعالجو عندهم
يزاكم الله خير
الله يرزقج الذرية الصالحة ان شاءالله
ماعندي علم ان شاءالله يفيدونج البنات
عزيزتي روحي للدكتور وليد عيادة هيلث بلاس ابوظبي ما شا الله خبرة في تشخيص اسباب الاجهاض المتكرر، بيسوي لج فحوصات دم شاملة مع فحص للرحم و بيشيك اذا في خلل و بيقعد معاج يخبرج عن العلاج ..
المشاركة الأصلية كتبت بواسطة ام الودايم 
ماعندي علم ان شاءالله يفيدونج البنات
مشكورة الغاليه والله يتملج على خير ويقر عينج بشوفة ضناج بصحه وعافيه
المشاركة الأصلية كتبت بواسطة افناان مشكوره الغاليه ان شاء الله بروحله ويارب احصل تجارب من الحريم عن الموضوع
الله يوفقج
انتي فصيلة دمج سالبه؟؟