السلام عليكم
اشحالكم يالحلوات
امس سمعت العاملة اللي تشتغل في الصالون تقول انه البلدية مانعه الكراتين في الصوالين قالت يجييب السرطان
لانه اشوف هذي الايام اغلبية البنات يسون كراتين
لاتستخدمونه
الله يحفظ الجميع
هلا حبوبه
انا اسير صالون معروف
قالو لي الصالونات اللي مب ماخذين تراخيص على عمل الكيراتين ممنووووعه
يعني مب كل من هب ودب يسوي كيراتين بصالونتهن
واعتقد هذا بمصلحتنا كمستهلكات
انا سويت الكراتين البرازيلي فمكان موثوق ومعروف فشغل الكراتين وأغلبية البنات قامو يمدحونه
وظنيه لو انه الكراتين صدج ممنوع ماكد شفنا هاي الاعلانات فالجرايد فكل صوالين الامارات الحينة والله أعلم
لكن بالنسبة لي الحمدلله شعري الحينة يخبل ناعم وكله حيوية
الكيراتين إذا كانت نسبة الفورماهاليد أكثر من 1%او 2 % يعتبر مضر جدا جدا وممكن لا سمح الله يسبب سرطانات
والحمدالله منعو هالنوع من الكيراتين من الإستخدام بشكل نهائي في بعض الدول
إحنا طالما نستخدم كيراتين خالي من الفورماهاليد او نسبة الفورماهليد ما تتعدى 2% فما راح يضر إن شاء الله
لو تحطين الرابط مال الخبر عشان البنات يقرونه و يتأكدون من مصدر المعلومة يكون أحسن ،،،
مشكورة على التنبيه وربي يعطيج ألف عافية إن شاء الله
هالكيراتين عمري ما فكرت فيه مو ناقصة أمراض اللهم يا كافي