السلام عليكم ورحمة الله
بغيت أسالكم خواتي الامهات الكريمات
بنتي فديتها عمرها سنتين وأربع شهور مرضت وكان فيها حمى وزجام وشوية كحه وديتها الدكتور عطوها أدويه والحمدلله تحسنت حالتها ما عدا الكحه اللي تيها أكثر شي في الليل وهي راقده يعني في النهار ما تكح الا نادر بس في الليل تكح وايد مع اني مازلت أعطيها دوا الكحه انا أقول يمكن فيها بلغم ومب عارفه أوديها الدكتور مره ثانيه والا في شي طبيعي أقدر اسويه يساعدها تتخلص من هالكحه
يزاكم الله خير فيدوني بتجاربكم ويا عيالكم الحلوين
ودمتم بود
[IMG]http://www.*******.org/images/gzddy9lja582f3t733cr.gif[/IMG]
وبدلي لها المخده
ثانيه اخلطي زيت السمسم مع الفكس وحطيه عصدرها وظهرها وكثري من زيت السمسم
ثالثا امسحي قدم ريلها بشويه فكس ولبسيها دلاغ
رابعا وهو الاهم جهاز البخار ركبي عليها البخار فليل علشان تتوسع القصبه الهوائيه
وماتشوف شر
للرفع
المشاركة الأصلية كتبت بواسطة شانيل 
وبدلي لها المخده
ثانيه اخلطي زيت السمسم مع الفكس وحطيه عصدرها وظهرها وكثري من زيت السمسم
ثالثا امسحي قدم ريلها بشويه فكس ولبسيها دلاغ
رابعا وهو الاهم جهاز البخار ركبي عليها البخار فليل علشان تتوسع القصبه الهوائيه
وماتشوف شر
+ المكيف حاولي تبنديه هالفترة أو تقصرين عليه ويفضل ما تشغلينه خير شر
لأنه المكيف معروف يهيج الصدر ويزيد حساسية الصدر
بنتج تعاني من الحساسية شرات بنتي
اربيعتي قالت لي طريقة الي هي افركها بزيت زيتون دافي ع ظهرها وبطنهااا والحمد لله شويه اتحسنت
اهم شي ما تشرب شي بارد والعطور والدخون
وااذا ما فاد وديها عند الدكتور حجازي عنده خبره بالهسوالف دوم اودي بنتي عنده وباذن الله تخف عنها الكحه
بنتج تعاني من الحساسية شرات اختي الصغيرونه
امي تفركها بزيت زيتون دافي ع ظهرها وبطنهااا والحمد لله شويه اتحسنت ، بس أختي اعطيها يانسون زين حق البلغم والسعال وان شاء الله بتستوي بخير بس اختي طمنينا عليها