يا خواتي اريد اعرف عن العمليه القيصريه….. في مستشفى توام…. تاخذ وقت…. شو الاحسن التخدير النصفى او الكامل…… متى يلتحم الجرح… كيف يخيطونه والا بس لزق في مستشفى توام… اتمنى خواتي الا جربت العمليه في توام….. توضحلي….. كيف اعراضها بعد العمليه…
شــــــــــــــــــــــــكــــــــــــــــــــــــ ـــــــرا
مرحبا إختي
ربي يسهلها عليج وتربين ولادة طبيعية
وانتي في الثالث ليش تفكرين في العملية وتفائلي خير يا اختي
وعن نفسي مسوية ثلاث عمليات قيصرية في توام والحمدالله معاملتهم حلوة بس اهم شي تتبعين النصيحة ولا تشدين نفسج أو تصارخين وتعلين الصوت
لانهم يحبون الوحدة الصابرة
والعملية تاخذ اسبوع وتكوني عندهم وبعدين يرخصونج وانا عملولي دبابيس ويخوزونها سادس يوم
والمشي وايد يساعد العملية على الشفاء السريع
والتخدير مرتين عملولي تخدير كامل ومرة نصفي
والنصفي احسن مع انج تحسين بكل شي بس بدون ويع يعني ما تفقدين وعيج
والله يتمملج على خير
مرحبا حبيبتي الله يهون عليج بالنسبه لي انا مسويه عمليتين في توام والثالثه اذا الله راد بتكون عقب ثلاثه وعشرين يوم
مستشفى توام اوكيه يعني معاملتهم زينه ويهتمون وايد باللي مسويه عمليه.
اما بالنسبه للتخدير انا سويت التخدير الكامل مرتين وهاي المرة بسوي الكامل بعد لاني اخاف يوم ادش غرفة العمليات وما أقدر استحمل اشوفهم .
واسأل الله إن يسهل علينا وعليج وعلى كل مسمله………..